Мотивацияны кімнен аласыз?

Мотивация. Бұл термин кейбір адамға жат естілсе, бизнес ханшайымдарына жақын таныс. Себебі, үйде бала бағып отырған аналардың көбі  интернет желісі арқылы  түрлі сауда айналымын жасап, өз-өзін қаражатпен қамтып, руханиятын дамытумен келеді. Мұндай азаматшалар көбіне мықты тренингтерге қатысып, професионалды мамандардан мотивация алады.
Бүгінде күллі қазақстандыққа ақылы ақылын айтып жүрген білікті психологтар жоқ емес. Соның бірі, жақында ғана Жаңақорғанға арнайы ат басын бұрған абайтанушы ғалым Омар Жәлел болса, енді бірі желілік ресторандардың иесі, кәсіпкер Қуаныш Шонбай. Қаракөз қыздарға ақылы мен өмірден түйген өнегесін таратып жүрген Құралай-ханымның да кеңестері өміріңдіөзгертуге өз көмегін береді. Диплом арқылы оқып алған емес, өз тәжірибесінен сараптап, өмірден түйгенін баршаға таратып жүрген ақыл иелерінің қай-қайсысын тыңдасаң да, түпкі төркі баяғы Абай салған, бабалар салған сара жолдар сынды. Жалпы, өзіңіз кімнен мотивация аласыз?

                                                                                  Ханзада ДОШАН.