Өзін-өзі жұлдызбын, аймын деп жүрген әншілеріміздің, өнер адамдарымыздың жан дүниесіне үңіл, көбі рухани мүгедек. Кейбірінің салған әні қойдың маңырағанына ұқсаса да шүкір дейсің ғой, шошқаның қорсылына ұқсайды. Оларды сахнаға қалай жіберетініне таңым бар. Халық ішінде не бір ғажап таланттар толып жатыр емес пе?...- Орыс ақынының «Көтер Ресей ұйқыдан бас» деген бір ауыз өлең жолының өзінде қанша сыр, қанша тереңдік жатыр. Мен мұны сәл өзгертіп «Көтерер қазақ ұйқыдан бас» дегім келеді.
P.S. Баукеңнің кезінде «жұлдыз» ауруымен ауыратындарды саусақпен санасақ, қазір ондап-жүздеп санайтын дәрежеге жеттік. Қазір понограммамен 3-4 ән айтып жұлдыз саналса, біраз ақын-жаушыларымыз қара сөздің қадірін қашырып шұбарлап жазып – ақлауреат атануда. Қарап отырсаң «қазаннан қақпақ кетіп, иттен ұят кеткен» заманға душар болғандайсың.
