ҚЫЗЫЛОРДА ОБЛЫСЫНЫҢ 73 ӘКІМІ АСТАНАҒА КЕЛДІ

Шалғай ауылдар мен шағын қалалардың экономикасын ширату. Жеке сектор мен мемлекеттің мүмкіндігін ұштастыру. Қызылорда облысының 70-тен астам әкімі Астанаға арнайы келіп, мемлекеттік және жекеменшік әріптестік әдісін дамытуды үйренеді.
Екі күндік семинарға 65 ауыл мен 7 аудан әкімі және Қызылорда қаласының әкімі келген. Оларға  жаңа әдістерді Ұлттық экономика министрлігіне қарасты  «Қазақстандық мемлекеттік-жекеменшік әріптестік орталығының» сарапшылары үйретеді.  Айта кету керек, қазір елімізде мемлекеттік-жекеменшік әдісіне басымдық берілуде. Бұл салада арнайы заң қабылданып, көптеген жобалар жүзеге асуда. Сондай-ақ, жаңа реформа бойынша ауыл әкімдеріне дербес бюджет беру де қаралған.