ҚЫЗЫЛОРДА ОБЛЫСЫНДА 112 БІРЫҢҒАЙ КЕЗЕКШІЛІК-ДИСПЕТЧЕРЛІК ҚЫЗМЕТІ ІСКЕ ҚОСЫЛДЫ

Қызылорда облысы қауіпсіздік саласын цифрландыру бағытында "112 Бірыңғай кезекшілік-диспетчерлік қызметі" жобасын жүзеге асыру бойынша пилоттық аймақ болып табылады.
Жоба аясында облыстың барлық жедел қызметтері біріктірілді, олар: өртке қарсы қызмет (101), полиция (102), жедел медициналық көмек (103), авариялық газ қызметі (104) және төтенше қызмет (112). Осылайша, бір қоңырау арқылы қажетті қызметтердің барлығы қамтамасыз етіледі.
Айта кетейік, 2018 жылы аймақта экономиканың түрлі саласында 29 жоба жүзеге асырылған. Мысалы, "электрондық балабақша" автоматтандырылған жүйесі енгізілді. Ол ата-аналарға баланы балабақшаға қабылдау кезегін бақылауға мүмкіндік береді. Ал медициналық көмектің қолжетімділігі үшін "Дамумед" жобасы іске асырылды. Оның шеңберінде енді үйден шықпай-ақ қабылдауға жазылуға немесе дәрігерді үйге шақыруға, жазылған рецептер мен зертханалық зерттеулердің нәтижелерін және т. б. көруге болады.
Сонымен қатар, 2018 жылы облыста облыстық сандық технологиялар басқармасы құрылды.
Қазіргі уақытта өңірде цифрландыру бойынша тағы да 52 жоба бойынша жұмыс жүргізілуде.