Жаңа жыл қарсаңында Қызылорда облыс кәсіпкерлер палатасының директоры Ғалымбек Жақсылықов аймақта кәсіпкерлік саласының дамуына атсалысып жүрген бірқатар іскер азаматтарды марапаттады. Палата директоры 2018 жыл  Сыр кәсіпкерлер үшін табысты жыл болғанын, яғни Елбасы қолынан «Хан тәңірі» сыйлығын алғанын тілге тиек еттті.  Марапат биігінен көрінген іскер азаматтар қатарында «СКЗ-U» ЖШС-нің бас директоры Мәдіхан Бекжанов «Атамекен» Ұлттық Кәсіпкерлер Палатасының Төралқа Төрағасы Тимур Құлыбаевтың «Алғыс хатымен» марапатталды. Айта кету керек, Тәуелсіздік күні қарсаңында Елорда төрінде өткен ҚР Президентінің «Алтын сапа» сыйлығының лауреаттары мен «Парыз» бизнестің әлеуметтік жауапкершілігі байқауының жеңімпаздарын салтанатты марапаттау рәсімінде Мәдіхан Әріпұлы басшылық ететін Күкірт қышқылы зауыты «Экологияға қосқан үлесі үшін» номинациясына лайықты деп танылған болатын.

                                                                                                                                                    Самат ӘБДІШ