Қазақстанның Еуразиялық экономикалық (ЕАЭО) елдермен өзара сауда көлемі 2018 жылдың қаңтар-шілдесінде ақшалай мәнде 10 783,5 млн. долларды құрады. Бұл өткен жылдың сәйкес кезеңімен салыстырғанда 10 пайызға көп, деп хабарлайды 7kun.kz ақпарат сайты ҚР ҰЭМ Статистика комитетіне сілтеме жасап.
Аталмыш кезеңде ЕАЭО елдеріне экспорт көлемі ақшалай мәнде 3467,5 млн. долларды (өткен жылға қарағанда 16,2 пайызға артық), импорт 7316 млн. долларды (+7,3 пайыз) құрады.
Қазақстанның ЕАЭО елдерімен тауар айналымының жалпы көлемінің 91,9 пайызы – Ресейге, 4,5 пайыз – Қырғызстанға, 3,5 пайыз – Беларусьқа және 0,1 пайыз Арменияға тиесілі.