Сыр өңірінде Жаңақорған ауданы әлеуметтік-экономикалық даму көрсеткішімен көш ілгері. Мұндай нәтижеге жетуде іскер басшы да, сапалы кадр да, сергек ақсақалдар да, саналы жастар да бар. Әрі аймақтың тиімді орналасуы мен табиғи-ресурстық мүмкіндігі мол. Бәрінен бұрын, Мемлекет басшысының бастамаларынан негіз алып, тың бетбұрыстарға бағыт алдық. Соның нәтижесінде егін шаруашылығы саласында серпін байқалды. Инвестиция көлемі артып, кәсіпкерліктің көкжиегі кеңейді. Жаңақорған ауданының әкімі Ғалым Әміреевтің аудан тұрғындары алдындағы есепті кездесуінде осыны зерделедік. Жалпы, бұл жолғы жиын бұрынғыдан өзгерек өрбіді. Себебі, тұңғыш рет есептік кездесуге облыс әкімі Қырымбек Көшербаевтың өзі қатысты. Бұл ауданда атқарылып жатқан бастамаларға берілген жоғары баға деп ұқтық.