АҒЫЛШЫН ТІЛІ САБАҒЫНДА ШЫҒАРМАШЫЛЫҚ ТАПСЫРМАЛАР АРҚЫЛЫ ОҚУШЫ БЕЛСЕНДІЛІГІН АРТТЫРУ
Қуандықова Ләззат Нұрланқызы
ағылшын тілі пәні мұғалімі
Төлепберген Әбдірашев атындағы №239 орта мектебі
Қазіргі білім беру үдерісінде оқушының білімді меңгеруімен қатар, оны іс жүзінде қолдана алуы, өз ойын еркін жеткізуі, бірлесіп әрекет етуі және шығармашылық тұрғыдан ойлауы маңызды. Бұл міндет ағылшын тілін оқытуда ерекше мәнге ие. Себебі тілді меңгерудің нәтижесі оқушының қанша сөз немесе ереже жаттағанымен ғана емес, сол білімін қарым-қатынас барысында қаншалықты қолдана алуымен анықталады.
Мұғалім ретінде мені «Оқушыға нені үйретемін?» деген сұрақпен бірге «Оқушыны ағылшын тілінде белсенді әрекет етуге қалай ынталандырамын?» деген мәселе де толғандырады. Өз тәжірибемде бұл мәселені шешудің тиімді жолдарының бірі – сабақта шығармашылық тапсырмаларды жүйелі қолдану екенін байқадым.
Шығармашылық тапсырма – оқушы белсенділігінің құралы
Ағылшын тілі сабағында кейбір оқушылар жаңа сөздер мен грамматикалық құрылымдарды мең
