«Кітап-AMANAT» партиялық жобасы кітап оқырмандарымен ашық пікірталас алаңы

Аудандық Руханият орталығында 7 қазанда «AMANAT» партиясының бастамасымен жүзеге асырылып жатқан «Кітап-AMANAT» партиялық жобасы аясында кітап оқырмандарының қатысуымен ашық пікірталас алаңы ұйымдастырылды.

Шараның мақсаты – кітап оқуға деген қызығушылықты арттыру, рухани құндылықтарды насихаттау және жастар арасында оқырман мәдениетін қалыптастыру. Пікірталас барысында қатысушылар әдеби шығармалар, қазіргі қазақ жазушыларының еңбектері жайлы ой бөлісті.

Пікірталасқа түрлі сала өкілдері – мұғалімдер, студенттер, кітапханашылар және “Әйелдер қанаты” мүшелері қатысты. Олар оқыған кітаптарынан алған әсерлерін айтып, әдебиеттегі өзекті тақырыптарды ортаға салды.

Шара соңында қатысушылар келесі кездесуде талқылайтын жаңа туындыны таңдады. Ұйымдастырушылардың айтуынша, мұндай ашық алаңдар алдағы уақытта да тұрақты түрде өткізіліп отырады.

«AMANAT» партиясының «Кітап-AMANAT» жобасы – бұл тек оқу мәдениетін арттыру емес, сонымен қатар қоғамдағы әдеби сауаттылықты дамытуға бағытталған маңызды бастама.

#AMANAT