Облыс әкімінің грантын тағайындау жұмыстары жөнінде кеңес өтті

Облыс әкімінің орынбасары Ш. Баймановтың төрағалығымен өткен облыс әкімінің грантын тағайындау жұмыстары жөніндегі Кеңес отырысының хаттамалық тапсырмаларына сәйкес өңірге қажет мамандықтар бойынша 2024 жылға Жаңақорған ауданына 9 грант бөлініп отыр.
Атап айтқанда, Қорқыт ата атындағы Қызылорда университетіне 6 грант:Тау кен ісі және пайдалы қазбаларды өндіру-2; Электр энергетикасы-1Көлік техникасы және технологиялар-1; Су ресурстарын басқару-1; Дәстүрлі музыка өнері-1: Қызылорда қаласындағы «Болашақ» университеті1 грант: Көлікті пайдалану және жүк қозғалысымен тасымалдауды ұйыдастыру-1: Қарағанды медицина университеті 1 грант: Жалпы медицина-1;С. Ж. Асфендияров атындағы Қазақ Ұлттық медицина университеті 1 грант: жалпы медицина-1:
Аталмыш көмекті алуға, балалар үйінің тәрбиеленушілері (отбасылық үлгідегі балалар ауылы мекемесінің түлектері) мүмкіндігі шектеулі балалар; жетім балалар; ата-анасының қамқорлығынсыз қалған балалар; асыраушысынан айырылған отбасылардың балалары; ата-анасының екеуі немесе біреуі зейнеткер болып табылатын, тұрмысы төмен отбасыларының балалары; ата-анасының екеуі немесе біреуі мүгедектігі бар болып табылатын балалар; көп балалы отбасылардың балалары; аз қамтылған отбасылардан шыққан балалар құжаттарын тапсыра алады.
Ағымдағы жылдың 6-15 тамыз аралығында ауылдық округтегі мектеп бітіруші түлектер өтінішпен тиісті құжаттарын ауылдық округ әкімдіктеріне, ал Жаңақорған кентінің мектеп бітіруші түлектері аудандық жұмыспен қамту және әлеуметтік бағдарламалар бөліміне тапсыруға болады. (мекен жайы: Б. Майлин 5, байланыс телефоны 23-2-70)
Ең басты шарт-түлектер Ұлттық бірыңғай немесе кешенді тестілеуден кемінде ұлттық ЖОО 65 балл басқа ЖОО 50 балл жинау қажет. Сондай-ақ ветеринарияға 60, педагогикаға 75, медицинаға 70 баллдан кем болмауы тиіс.
Қабылданған құжаттар осы жылдың19-23 тамыз аралығында аудан әкімдігі жанынан құрылған арнайы комиссияға ұсынылып, комиссияның оң қорытындысын алған азамат, облыс әкімінің гранты иегері атанады.