Адам папиллома вирусына қарсы вакцинация жайлы!

Адам папиллома вирусы — бүкіл әлемде өте кең таралған, шырышты қабаттар мен теріні зақымдайтын вирустар тобының жалпы атауы. Вирустың 200-ге жуық түрі белгілі, олардың болмағанда 13-і обыр ауруының дамуына әкеледі.
АПВ, көбінесе, жыныстық жолмен жұғады  және АПВ-ны жұқтырудың көбі жыныстық өмір басталғаннан кейін көп ұзамай болады.
Көптеген адамдарда олар алаңдаушылық туғызбайды, кейбір вирус түрлерін жұқтыру өте жиі кездеседі және аногенитальды сүйелдердің пайда болуына әкелуі мүмкін. Вирусты тасымалдаушылардың 90%-ында ағза бұл инфекцияны өз бетінше жеңе алады.
Көбінесе инфекция симптомсыз өтеді, сондықтан адамда АПВ бар-жоғын арнайы зертханалық талдаудан кейін ғана білуге болады. АПВ инфекцияларының көбінде ешқандай сыртқы белгілері болмайды.
Вирус тез таралуға қабілетті болуымен қауіпті, обыр жасушалары дегенерациясының қоздырғышына айналады және нәтижесінде қатерлі ісік дамиды.
АПВ- инфекциясы әлемдегі барлық онкологиялық аурулардың шамамен 5% -ын тудырады, бағалау деректері бойынша, АПВ-мен байланысты туындайтын обыр жыл сайын 625 600 әйелде және 69 400 ер адамда анықталады.
Қауіптілігі жоғары 16, 18 АПВ түрлері, негізінен, жатыр мойны обырының туындауына себеп болады да, вульва, қынап, ауыз/жұтқыншақ, жыныс мүшесі және анус обырларымен байланысты болады.
АПВ-ға қарсы профилактикалық екпе жатыр мойны обыры дамуының алдын алуға мүмкіндік береді.
Төрт валентті «Гардасил» вакцинасы 9 жастан 15 жасқа дейінгі жас аралығындағы балалар мен жасөспірімдерге, әрі қарай 16 жастан 45 жасқа дейінгілерге ұсынылады. 9 жастан 15 жасқа дейінгі кезеңде иммундық жауап пайда болуы үшін арасына 6 ай салып екі доза алу жеткілікті, ал 16 жастан бастап салса, 3 доза керек болады.
Қазақстанда адам папиллома вирусына қарсы екпені салдыру ерікті. Ата-анасы немесе қамқоршысы ақпарат ала отырып келісімге қол қойғаннан кейін 11–13 жастағы қыздарға салынады.

Ж. Шайхысламов,

Аудандық СЭББ бөлім басшысы