Аудан депутаттарының тартуы

Адам баласын игі істерге бастайтын ізгі жүректің қалауы – жақсылық. «Ізгілік қыл, ізгілік көп кісіде, әсерлі ғой ізгілердің ісі де» демекші, арамызда жақсылыққа жаны құмар жандар аз емес. Ұлыстың ұлы күні наурыз мерекесіне орай эстрада жұлдызы Индира Елубаева ауданға арнайы келіп, концерт қойғалы жатыр. Осындай көңілді кешке аудандық мәслихат басшысы Ғалымжан Сопыбеков пен аудандағы депутаттар ұйымдасып, кенттің тазалығына аянбай еңбек етіп келе жатқан 100 еңбек адамына 100 билетті сыйға беріп, қуаныштарын еселеуде. Ұлық мерекеде жасалған ізгі амал ұлылықтың белгісі.