КЕЛЕЛІ ЖИЫННЫҢ МАҚСАТЫ - ЖАСТАР ТӘРБИЕСІНЕ БАҒЫТТАЛДЫ
Бүгін Сунақата ауылдық округі әкімі аппаратының ғимаратында ауылдағы атқарылған және алдағы жоспарланған жұмыстарды талқылау, құқықбұзушылықтың алдын алу, жастардың бос уақытын тиімді пайдалану, жастарды өнерге, білімге, спортқа тарту мәселелері бойынша жиналыс болып өтті.
Аталған жиынға ауыл ардагерлері, жергілікті қоғамдастық мүшелері, әйелдер кеңесі төрайымы, мектеп директорлары мен тәрбие ісі жөніндегі орынбасарлары, ата-аналар комитеттері, спорт кешенінің директоры, ауылдық клуб директоры, балабақша меңгерушісі, учаскелік полиция инспекторы, медицина саласының қызметкері және белсенді жастар қатысып, жиын барысында тиісті сала басшыларына ауылдағы жастарды тарта отырып, мектептер мен ауылдық клуб жанындағы үйірмелерді, спорттық-мәдени шараларды жандандыру қажеттілігі тапсырылды.
