Мұрағат тарих айнасы
Бүгін «AMANAT» партиясы аудандық филиалының және аудандық мәслихат депутаты Лаура Әбілханқызының ұйымдастыруымен "ҰЛТТЫҚ МҰРА" партиялық жобасы аясында колледж студенттері қазына қатталған орталық аудандық архив бөліміне саяхат жасады. Студенттерді күтіп алған архивист маман Гүлдана Тасқалиқызы кіре беріс жерде орналасқан өмірі өнегеге толы Ана, қоғам жанашыры, ауданның құрметті азаматы Азия Қыстаубаеваның өмір жолынан сыр шертті.
Одан әрі бөлiмдермен, сонымен қатар архив жұмысының негiзгi түрлерiмен таныстырды. Жастарға архивтегi архив қоймасы көрсетiліп, онда тұрақты, уақытша сақтаудағы, сонымен қатар жеке құрам құжаттары сақтаулы екені түсіндіріліп, көптеген ақпаратпен қанықты. Болашақ жастардың қолында. Сол себепті колледж студенттерінің осындай тарихымыз сақталған орындарға көптеп баруы ұлттық мәдениетіміздің өсуіне жол ашады деген сенім мол.
