Мал ұрлығы үшін жаза тағайындалды
Жаңақорған аудандық сотында соталушы З. қатысты Қазақстан Республикасы ҚК-нің 188-1 бабының 3-бөлігінің 2-тармағымен қылмыстық іс қаралды. Сотта анықталғандай сотталушы З. 2023 жылғы 11 ақпан сағат 21.00 шамасында жәбірленуші И-тың тұрғын үйінің ауласына заңсыз кіріп, аулада арқан жібімен бос жүрген бір бас қара ала сиыр малын жібінен қолымен ұстап өзімен бірге жетектеп жасырын жымқырып ұрлаған. Сотталушы З. аталған малды азамат О-тың үйіне апарып, соңғыға өзінің малы екені жайлы жалған айтып 200000 теңгеге бағалап, сатып жіберген. Өзінің қылмыстық әрекетімен сотталушы З. жәбірленуші И-қа 480000 теңге мүліктік зиян келтірген.
Сотта сотталушы З. жауабында өзінің кінәсін мойындап, жасаған әрекетіне өкінетінін, қазіргі уақытта жәбірленушіге келтірілген мүліктік залалды өтеген, онымен татуласып, ол өзіне кешірім бергенін,өзіне бас бостандығынан айырмайтындай жеңіл жаза тағайындауды сұрады.
Жәбірленуші И. жауабында сотталушы өзінің ауласына заңсыз кіріп, байлаулы тұрған бір бас қара ала сиырын ұрлап, 480000 теңге мүліктік залал келтіргенін, қазіргі уақытта залалды толық өтегенін, оған кешірім беретнін көрсетіп, бас бостандығынан айырмайтындай жеңіл жаза тағайындауды сұрады.
Қазақстан Республикасының ҚК-нің 53-бабына сәйкес қылмыстық жауапкершілік пен жазаны жеңілдететін мән-жайына кінәлінің жасаған қылмысын мойындап, шын ниетпен өкінуі, қылмыстық құқық бұзушылықпен келтірілген мүліктік залалды өз еркімен өтеуі, оған жәбірленушінің кешірім беріуі, татуласуы танылып, ҚК-нің 54-бабына сәйкес сотталушының қылмыстық жауапкершілік пен жазасын ауырлататын мән-жай жоқ деп тұжырымдады.
Аудандық соттың үкімімен сотталушы З. Қазақстан Республикасының ҚК-нің 188-1 бабының 3-бөлігінің 2-тармағымен кінәлі деп танылып, 6 жыл мерзімге бас бостандығынан айыру жазасы тағайындалып, қылмыстық Кодекстің 63-бабын қолданып, сотталушыға тағайындалған жаза шартты деп саналып , 6 жыл мерзімге пробациялық бақылау белгіленді.
Ақпарат: Жаңақорған аудандық сотының баспасөз қызметі
