Жаңақорған аудандық сотында қылмыстық іс медиация тәртібімен тоқтатылды

Жаңақорған аудандық сотында Қазақстан Республикасының ҚК-нің 188-бабының 2-бөлігі 3-тармағымен, ҚК-нің 24-бабының 3-бөлігі, 188-бабының 2-бөлігінің 2,3-тармақтарымен айыпталған Р. қатысты  қылмыстық ісі қаралып, медиация тәртібімен тоқтатылды.

Іс құжаттарына сәйкес, сотталушы Р. 2018 жылдың желтоқсан айының 5-күні түнде жәбірленуші Ш. Жаңақорған ауданы Төменарық ауылы Мақатаев көшесі №15 тұрғын үйінің ауласында орналасқан мал қорасына заңсыз кіріп, бағасы 35000 теңге тұратын бір бас қой малын жасырын жымқырып, ұрлап жәбірленушіге 35000 теңге мүліктік шығын келтіргенін,осыдан кейін сотталушы Р.2018 жылдың желтоқсан айының 7-күні түнде жәбірленушінің тұрғын үйінің ауласында орналасқан мал қорасына заңсыз кіріп, бір басқой малын жасырын жымқырып, ұрламақшы болып жатқан кезінде  жәбірленушіге ұсталып, өзінің қылмыс жасауға тура бағытталған тікелей пиғылмен жалған әрекеттерін өзіне байланысты емес мән-жайлар бойынша ақырына дейін жеткізе алмай, қылмыс үстінде ұсталған.

Сотта сотталушы Р., өзіне тағылған айыбын толық мойындап, енді мұндай жағдай қайталанбайтынын, қазіргі кезде жәбірленушімен татуласқанын, келтірілген залалды өтегенін, көрсетіпқылмыстық жауаптылықтан босатуды сұрады,  жәбірленушісотталушымен қазіргі уақытта медиация тәртібімен өзара ымыраға келіп, татуласып, келісімге келгендерін, залал өтелгенін, өзіне қылмыстық істің тоқтатылудың құқықтық салдары түсінікті екенін көрсетіп сотталушыны  қылмыстық жауаптылықтан босатуды сұрады.

Аудандық соттың қаулысымен сотталушы Р., жәбірленушімен медиация тәртібімен татуласып, келтірілген зиянды қалпына келтіруінебайланысты Қазақстан Республикасының ҚК-нің 68-бабының 1-бөлігі негізінде қылмыстық жауаптылықтан босатылып,қылмыстық іс тоқтатылды.

А.Нысанбаева,

Жаңақорған аудандық сотының маманы.