АСТАНАДА "БӘЙТЕРЕКТІҢ" КӨШІРМЕСІ 2 МИЛЛИОН ТЕҢГЕГЕ ЖУЫҚ ҚАРАЖАТҚА САТЫЛУЫ МҮМКІН

"Бәйтерек" монументінің кішірейтілген нұсқасы мемлекеттік e-auction алаңына саудаға қойылды, деп хабарлайды Today.kz. 
Өнімнің биіктігі – 168-170 сантиметр. Қаңқасы тот баспайтын құрыштан құйылған, шары латуннан жасалған. Capital appraisers group ЖШС эксперттік компаниясы лоттың жалпы жағдайына "жақсы" деген баға берді. 
"Бәйтерек" макетінің бағасы – 1 760 000 теңге. Саудаға қатысқысы келетіндер кепілдік ретінде 264 мың теңге төлеуі тиіс. Сауда 15 мамырда 10:00-де басталады. 
Бәссаудада баға өсетін болады. 
Бұрын "Бәйтерек" макеті "Сырдария-жоба құрылыс" ЖШС-не тиесілі болған. Компания 2016 жылы банкротқа ұшырады. Бұл фактіні дәлелдейтін шешім e-auction алаңының электронды құжаттары тізімінде №92064 болып жарияланған.