ОРАЗАНЫҢ ЕКІНШІ ОН КҮНДІГІНДЕ ОНЫНШЫ БАСПАНАНЫҢ ІРГЕТАСЫ ҚАЛАНДЫ

Жаңарған Жаңақорған Жастары"Бісміллә" деп бастап кетті, 10-баспананы. Жылда оразаның алғашқы күні бастап, айттың үшінші күні шын мұқтажға кілтін табыстаушы еді. Биыл кішкене белгілі себептермен оразаның екінші он күндігінде іргетасы қаланды. Бұйырса, жігіттердің бет алысы жаман емес. Айттың үшінші күніне үлгереміз деп жатыр.
Сауапты істің басы-қасында өздеріңіз білетін тамсоққыр Данияр Досантаев бауырым. Бұ кісі қазір білесіздер халық қалаулысы. Сондықтан да бұрынғыға қарағанда жауапкершілік жүгі екі есе ауыр. Десе де, біз білетін Данияр сол баяғы. Мандат бұйырды екен деп, жылдағы дәстүрінен жаңылмақ емес. Ал, іске сәт! Әзірге іргетасы құйылды. Топырағы төселді. Шлакаблок түсіріп жатыр. Ортақ чатта қызу қолдау. Асарға атсалысамын деген Жаңақорған жастары жақсылық жолында жарысып жатыр. Бірі бүкіл қажетті ағашын алып беремін десе, енді бірі газ пеші бізден деп барымен бөлісіп жатыр. Сіздерде сауапты істен құр қалмайық десеңіздер, төменде афишада каспи номер жазулы. Материал болса, тікелей тамсоққыр Даниярмен тілдесесіздер. Жауапты жанашыр сол.
 
                                                                                                                                               Әбдісамат Әбдіш