Төл басылымының бас редакторы мен орынбасары тағайындалды

Сәрсенбінің сәтінде аудан әкімінің келісімімен, «Сыр медиа» ЖШС-нің бас директоры Аманжол Сақыпұлы Оңғарбаевтың бұйрығымен Баян Әлеудинқызы Жаңақорған аудандық «Жаңақорған тынысы» газетіне бас редактор болып тағайындалса, бас редакторының орынбасары лауазымына Әлібек Жарықбаев тағайындалды. Аудан әкімі Мұрат Жолкелдіұлы қарымды қаламгерлеріміздің көп жылдық еңбегін атап өтіп, жұмыстарына сәттілік тіледі.

Актив жиынына «Сыр медиа» ЖШС-і бас директорының бірінші орынбасары Аралбаев Марат Жайылханұлы, облыстық «Сыр бойы» газетінің бас редакторы Шарабадинов Қуат Әбішұлы, облыстық «Кызылординские вести» газетінің бас редакторы Исаев Жәнібек Мырқыұлы арнайы келді.

Баян Әлеудинқызы мен Әлібек Жарықбаевты жаңа қызметімен құттықтай отырып, ақпараттандыру саласындағы алдағы жұмыстарына сәттілік тілейміз.