ЖАҢА МЕДИА: КӨШ СОҢЫНДА ҚАЛМАУДЫҢ КРЕАТИВТЫ ЖОЛЫ

Аудандық "Жаңақорған тынысы" газетінің редакциясында "Медиа нарық. Жаңа жанрлар. Тың белестер" тақырыбында облыстық семинар-тренинг өтуде. Семинарға облыс әкімінің кеңесшісі Динара Бисембина, "Сыр медиа" ЖШС бас директорының орынбасары Қаныбек Әбдуов,Шиелі аудандық "Өскен өңір" газетінің ұжымы мен Қорқыт ата атындағы ҚМУ-нің студенттері қатысуда. Тренингтің тізгінін алғаш болып қолға алған журналист Әбдісамат Әбдіш интернет-журналистикадағы жаңа жанрдың бірі - "Лонгрид" жайлы тұшымды ақпаратымен бөлісті. Ал, қаламы қарымды қаламгер Баян Үсейінова очерк, эссе, фельотон жазудың қыр-сырымен ұзақ жылдарғы тәжірибесімен бөлісті. Аудандық басылымның бас редакторы Нұрлат Байгенже "Медиа нарықта тауар өтімділігін қалыптастыру тәсілдері" атты тақырыпты тарқатуда.