Қуаныш – жан шуағы
Жаңақорған аудандық мәслихатының депутаттары қоғамдық маңызы бар іс-шаралардың бел ортасында жүреді. Nur Otan партиясы аудандық филиалының төрағасы – аудан әкімі Руслан Рүстемов және мәслихат хатшысы Ғалымжан Сопбеков, депутаттар Мәжит Балқожаев, Нұрлат Байгенже Жаңақорған кентіндегі Алтынсарин көшесінде ашылған балалар ойын алаңының ашылу салтанатына қатысып, сауапты істі жүзеге асырған азаматтарға алғысын білдіріп, тұрғындардың қуанышына ортақтасты. Әрі бас партия – Nur Otan партиясының сайлауалды бағдарламасындағы басым бағыттарды дәріптеп, бұл бойынша ауданда атқарылып жатқан жұмыстарды тілге тиек етті.
«Жерде бір бала қуанса, көкте мың періште шаттанады». Тәлімді сөзден тағылым тарататын болсақ, жасөспірімдерге жасалған жақсылықтан артық қайырлы іс жоқ. Солай ғой, балалық шақтағы қуанышты сәттер дүниені танып, көзқарасты қалыптастырады. Егер сәби ойын арқылы мейірім шуағын бойына сіңірсе, есейе келе өзгелерге жақсылық жасайтын, қайырлы азамат болып қалыптаспай ма?!
Міне, қайырлы қоғам солай құрылса керек-ті.
«Жаңарған Жаңақорған жастары» қоғамдық қорының игілікті істерінен осындай пәлсапаны танып, келешек үшін бір тамшы болса да үлес қосуға деген талпынысты көруге болады. Бұған дейін әлеуметтік жағдайы төмен отбасыларды баспанамен қамтамасыз етіп келсе, бұл жолы балалар ойын алаңын пайдалануға берді.
Бұған дейін Ы.Алтынсарин көшелерімен жауынды күндері көлікпен де, жаяу да жүру қиын еді. Көше тұрғындары тұрғылықты жеріне батпақтап әрең дегенде жететін. Мұны ескерген аудан әкімі осы аймаққа басымдық берді. Нәтижесінде Алтынсарин көшелері орташа жөндеуден өтіп, шағын спорт алаңын қайта жаңғырып, оның қасына тренажер (жаттығу) құралдарын орнатып берді.
Бұған қоса қайырымды азаматтардан құрылған қоғамдық қор балалар ойын алаңын салды. Енді алтынсариндік жасөспірімдер мен жастар бос уақытын сапалы өткізуге мүмкіндігі мол.
Қуаныш шаттығына аудан әкімі Руслан Рүстемов және бірқатар зиялы қауым өкілдері ортақтасып, игі тілектерімен бөлісті.
– Ел Президенті Қасым-Жомарт Тоқаевтың Жолдауынан туындайтын міндет-мұраттар жүйеленіп, ауданда сапалы жүзеге асырылуда. Аудан әлеуметтік-экономикалық және рухани-мәдени тұрғыда оң нәтижеге ие. Биыл ауданның өз кірістері 110 пайызға жетті. Сондай-ақ салық түсімдері де, негізгі капиталға түсетін қаржының көздері артып келеді. Мұндай нәтижелі жұмыс әлеуметтік маңызды жұмыстарды жүргізуге септігін тигізетіні анық. Қаржы көздерінен 1,3 млрд теңге тартылып, оған 64,4 шақырым жол орташа жөнделді. Оның 30,4 шақырымы аудандық бюджет есебінен атқарылды. Яғни аудан көлемінде 57 ауылішілік жолдар жөнделсе, соның 43-іне аудан қазынасынан қаржы қарадық.
Жыл өткен сайын халықтың сұранысы артып келеді. Мұны орындауда инфрақұрылымды жетілдіру маңызды. Сондықтан елді мекендерді газдандыру жолды орташа жөндеу, көпір салу, канал қазу және тазалау, электр желісін жаңарту, мектеп пен клуб үйінің құрылысын және т.б жүргізе беретін боламыз.
Ауданның ерікті жастары да халықшыл істерге дем беріп, жүкті көтеріп келеді. Мәселен, жақында ғана әлеуметтік жағдайы төмен отбасыларға 30 тонна көмір түсіріп берсе, 25 жанұяны азық-түлікпен қамтамасыз етті. Өткен жылы бес отбасын баспанамен қамтамасыз етсе, биыл бір үйді тұрғызды. Белсенді жастарға сауапты істерді жалғастыра беруде сәттілік тілеймін, – деді Руслан Рүстемұлы.
Аудан басшысы саялы ортаға, демалыс орнына айналуда еңбек сіңірген белсенді азамат Дәулет Тұрабаевқа «Алғыс хатын» ұсынды.
Ауданның бас имамы Әбдіхалық Нематов жасөспірімдердің саулығын арттыруда септігі тиетін ойын алаңын құрған қайырымды жастарға алғысын білдірді.
Жалпы Алтынсарин аумағына бұдан кейінгі уақытта да мән беріледі. Мәселен, Сырдария өзенінен өтетін көпірден Алтынсаринге дейінгі аралықтағы автомобиль жолының екі бетіне саялы ағаштар отырғызып, билбордтар жаңартылып, көше жарығы орнатылатын болады. Жоспарлы іс келесі жылы жүзеге асады.
Балалар ойын алаңы үлкен сұранысқа ие. Саяжай, Алтыкранд, МАИ бекеті аумағындағы тұрғындар балаларын стадион маңында салған жалғыз ойын алаңына әкеліп, ойнатады. Демек Жаңақорған кентінде балалар ойнап, таза ауамен тыныстап, серігетін алаңдарға қажеттілік бар. Міне, ендігі кезекте осы жерлерде де ойын алаңдарын салу маңызды.
«Жаңарған Жаңақорған жастары» қоғамдық қорының белсенді мүшесі Қоғамбек Бисенбаев балалар өмірді танып-білуде ойнауы маңызды екенін айтып, алдағы уақытта кентте кезең-кезеңімен балалар ойын алаңын салуға мән берілетіндерін айтты.
Жасұлан СЕЙДЕМЕТОВ
Міне, қайырлы қоғам солай құрылса керек-ті.
«Жаңарған Жаңақорған жастары» қоғамдық қорының игілікті істерінен осындай пәлсапаны танып, келешек үшін бір тамшы болса да үлес қосуға деген талпынысты көруге болады. Бұған дейін әлеуметтік жағдайы төмен отбасыларды баспанамен қамтамасыз етіп келсе, бұл жолы балалар ойын алаңын пайдалануға берді.
Бұған дейін Ы.Алтынсарин көшелерімен жауынды күндері көлікпен де, жаяу да жүру қиын еді. Көше тұрғындары тұрғылықты жеріне батпақтап әрең дегенде жететін. Мұны ескерген аудан әкімі осы аймаққа басымдық берді. Нәтижесінде Алтынсарин көшелері орташа жөндеуден өтіп, шағын спорт алаңын қайта жаңғырып, оның қасына тренажер (жаттығу) құралдарын орнатып берді.
Бұған қоса қайырымды азаматтардан құрылған қоғамдық қор балалар ойын алаңын салды. Енді алтынсариндік жасөспірімдер мен жастар бос уақытын сапалы өткізуге мүмкіндігі мол.
Қуаныш шаттығына аудан әкімі Руслан Рүстемов және бірқатар зиялы қауым өкілдері ортақтасып, игі тілектерімен бөлісті.
– Ел Президенті Қасым-Жомарт Тоқаевтың Жолдауынан туындайтын міндет-мұраттар жүйеленіп, ауданда сапалы жүзеге асырылуда. Аудан әлеуметтік-экономикалық және рухани-мәдени тұрғыда оң нәтижеге ие. Биыл ауданның өз кірістері 110 пайызға жетті. Сондай-ақ салық түсімдері де, негізгі капиталға түсетін қаржының көздері артып келеді. Мұндай нәтижелі жұмыс әлеуметтік маңызды жұмыстарды жүргізуге септігін тигізетіні анық. Қаржы көздерінен 1,3 млрд теңге тартылып, оған 64,4 шақырым жол орташа жөнделді. Оның 30,4 шақырымы аудандық бюджет есебінен атқарылды. Яғни аудан көлемінде 57 ауылішілік жолдар жөнделсе, соның 43-іне аудан қазынасынан қаржы қарадық.
Жыл өткен сайын халықтың сұранысы артып келеді. Мұны орындауда инфрақұрылымды жетілдіру маңызды. Сондықтан елді мекендерді газдандыру жолды орташа жөндеу, көпір салу, канал қазу және тазалау, электр желісін жаңарту, мектеп пен клуб үйінің құрылысын және т.б жүргізе беретін боламыз.
Ауданның ерікті жастары да халықшыл істерге дем беріп, жүкті көтеріп келеді. Мәселен, жақында ғана әлеуметтік жағдайы төмен отбасыларға 30 тонна көмір түсіріп берсе, 25 жанұяны азық-түлікпен қамтамасыз етті. Өткен жылы бес отбасын баспанамен қамтамасыз етсе, биыл бір үйді тұрғызды. Белсенді жастарға сауапты істерді жалғастыра беруде сәттілік тілеймін, – деді Руслан Рүстемұлы.
Аудан басшысы саялы ортаға, демалыс орнына айналуда еңбек сіңірген белсенді азамат Дәулет Тұрабаевқа «Алғыс хатын» ұсынды.
Ауданның бас имамы Әбдіхалық Нематов жасөспірімдердің саулығын арттыруда септігі тиетін ойын алаңын құрған қайырымды жастарға алғысын білдірді.
Жалпы Алтынсарин аумағына бұдан кейінгі уақытта да мән беріледі. Мәселен, Сырдария өзенінен өтетін көпірден Алтынсаринге дейінгі аралықтағы автомобиль жолының екі бетіне саялы ағаштар отырғызып, билбордтар жаңартылып, көше жарығы орнатылатын болады. Жоспарлы іс келесі жылы жүзеге асады.
Балалар ойын алаңы үлкен сұранысқа ие. Саяжай, Алтыкранд, МАИ бекеті аумағындағы тұрғындар балаларын стадион маңында салған жалғыз ойын алаңына әкеліп, ойнатады. Демек Жаңақорған кентінде балалар ойнап, таза ауамен тыныстап, серігетін алаңдарға қажеттілік бар. Міне, ендігі кезекте осы жерлерде де ойын алаңдарын салу маңызды.
«Жаңарған Жаңақорған жастары» қоғамдық қорының белсенді мүшесі Қоғамбек Бисенбаев балалар өмірді танып-білуде ойнауы маңызды екенін айтып, алдағы уақытта кентте кезең-кезеңімен балалар ойын алаңын салуға мән берілетіндерін айтты.
Жасұлан СЕЙДЕМЕТОВ
