Қарияға құрметтің бәрі жарасады

Қарттар күніне орай Жаңақорған ауданы әкімдігінде бір топ ақсақалды алақанға салып ардақтады, өнегелі жолын өзектеді.
Аудан әкімі Руслан Рүстемов: «Ардагердің түбірі ар  сөзі болса, ол – ұлылықтың,  ұяттың, ұлағаттың, арда емген абырой биігінің шоқтығы. Міне, осындай озық белес ақсақал, абыздарға тән десек, бүгінгі шараның да шынайы үлгісіне сіздерді қосамын.Қартаяға уақыт үстемдігі жеткізеді, бірақ әдемі қартая әркімге бұйыра бермейді. Біз сол әдемі қартаюдан жазбайық» деп жүрекжарды тілеген жеткізді.
Әкімдіктен зейнетке шыққан ардагерлерге сый-сияпат жасалды. Солардың ішінде Алмас Нәлібаевтың иығына зерлі шапан жауып, құрмет көрсетті.