Елбасы Нұрсұлтан Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында қазақстандықтардың жарқын болашағы үш тілді еркін меңгеруде екенін атады. Яғни, ғылым мен инновация тілі – ағылшын тілі болса, орыс тілі – халықаралық қатынас тілі, қазақ тілі – ана тілі ретінде қолданылып, балабақша бүлдіршіндеріне үш тілді меңгеру міндеттелді.
Осы ретте, аудан балабақшаларында бүлдіршіндердің тілдерді меңгеруі қандай деңгейде? Мұны мектепке дейінгі мекемелердің басшыларынан сұрадық.
– Техника мен ғылым дамыған заманда ағылшын тілін білу маңызды. Яғни, ағылшын тілі ғылым көкжиегін кеңейту үшін керек. Осы мақсатта балабақшада ағылшын тілі мен орыс тілі оқу жоспарына енгенін құптаймын. «Өз тілің – бірлік үшін, өзге тіл – тірлік үшін» дегендей, көп тіл білгеннің тынысы кең, бағындырар белесі биік. Балғындардың үш тіл меңгеруі үшін қолдан келген мүмкіндікті пайдаланып, ұжыммен кеңесіп, орыс және ағылшын тілі маманын қосымша кадр ретінде алдым. Яғни, біздің ұжымда ресми маман болмағанымен, барлық балабақшадағыдай үш тілде сабақтар жүргізіледі.
Ағымдағы уақытта білім бөлімінен ағылшын маманы штатын сұрастырудамын. Егер ұсыныс қолдау тапса, нұр үстіне нұр болар еді. Қазіргі таңда біздің балабақшада ертеңгіліктерде үш тілде тіл сындырып жүрген балаларды көріп, балалардың үш тілді меңгеруге еш кедергі жоғын, олардың қабілеті үш тілді игеруге жеткілікті екенін байқаймын. Тәрбиешілер де баланың тіл білімін ұлғайту үшін үздіксіз еңбек етуде.

Сандуғаш ЕГІЗБАЕВА,
«Ерке – Наз» бөбекжайының меңгерушісі: