Өлеңге әркімнің-ақ бар таласы
Өнер – адамның бойындағы тылсым рухани күш десек, ақындық – сол өнердің ең қастерлісі. Осы ақындық өнер дарыған талант иелері арамызда да жүр. Соның бірі – Мұхамедәлі Қанатұлы. 
2007 жылы 14 қазанында Жайылма елді мекенінде кіндік қаны тамған Мұхамедәлі жастайынан өнерден таласы бар екенін байқатады. №195 мектептің таланты тәлімгері бесінші сыныптан-ақ аудандық, облыстық деңгейдегі айтыстарға қатысып, сөз өнерінде өзіндік орны бар екенін дәлелдей бастайды.
Былтыр Жалағаш ауданының 80 жылдық мерейтойына арналған «Жаһанда жұмақ мекен Жалағашым» атты айтысқа қатысып, жүлделі үшінші орын алды. Биыл «Aйтыс battle» сөз сайысында бас жүлде алып, 2-кезеңге өтті. Жас өнерпаздың қанатына жерлестері қолдау білдіріп келеді. Ол туған жердің әрбір тау-тасынан, сылдырап аққан мөлдір бұлағынан шабыт алады. Аңыз-әпсаналарды жадына тоқып, жыраулар поэзиясы мен ақын-жазушылардың туындыларын көптеп оқып, Ұлы Дала елінің өткені мен бүгіні жайлы білуге құштар.
– Тарихи, әдеби кітаптарды оқығанды жақсы көремін. Әсіресе Алтын Орда дәуірі, Қазақ хандығының қалыптасу кезеңі қызықтырады. Сақ, ғұн, түрік империясының әлемдік өркениеттегі орны жайлы ізденіп жүрмін, – деді жас талант иесі.
Ол Мұқағали Мақатаев, Төлеген Айбергенов, Жұбан Молдағалиев, Мұхтар Шахановтың жалынды жырларын оқығанды ұнатады. Сыр сүлейлерінің жыр-дастандарын оқығанда немесе тыңдағанда рухы кемелдене түсетінін айтады.
Иә, ақын білім жолында ізденіп, туған жердің табиғатымен сырласқанда шабытына шабыт қосатыны анық. Салған жерден айтып салар төкпе жырлар да тап-таза, мөп-мөлдір, тұп-тұнық ерекше жаннан шықса керек-ті. Жазған әсерлі өлеңдері арқылы көпшілікке танылып жүрген жас ақынның арманы асқақ, талабы таудай.
Төл өнерге өзіндік үлесін қосып жүрген Мұхамедәлі Абдуллаев небәрі 13 жаста. Ол алғашқы өлеңін шығарғанында алты жаста болатын. Жүрегінен жарып шыққан жырын анасына арнаған-ды. Оның ақындық өнері нағашы жағынан дарыған. Нағашы әжесінің әкесі Жәдігер баба өлеңімен май тамызған шешен болған. Ұлы Отан соғысында үйіне жазған амандық хаттарын өлеңмен жолдаған екен.
Биыл Мұхамедәлі Щучинск қаласында өткен «Зерде» XV республикалық байқауының жеңімпазы атанды. Бұл – оның білім сайысындағы үлкен жетістігі.
2018 жылы«Өнеге» интеллектуалды білім порталы өткізген «Тілім менің – тірлігімнің айғағы!» байқауында, 2019 жылы «Белес» өнер орталығы ұйымдастырған «Ұлыларды ұлықта» атты республикалық өнер байқауында жүлдегерлер қатарынан көрінді.
– Жас ақын Мұхамедәлі Абдуллаевтың болашағынан зор үміттіміз. Өзі тәрбиелі. Бастысы, білімге деген ынта-жігері ерекше. Мектебіміздің, тіпті ауданның атын шығарып абырой биігінен көрініп жүр. Біз талантты жасқа әрдайым қолдау көрсетеміз, – деді мектеп директоры Жанат Жүсіпова.
Жас ақынның өлеңдері бұлақтай мөлдір, судай таза. Туа біткен дарынның қабілетін қастерлеп, дұрыс бағыт-бағдар берілсе, бағындырар асуы биік.
Әйгерім Мырзахметова
2007 жылы 14 қазанында Жайылма елді мекенінде кіндік қаны тамған Мұхамедәлі жастайынан өнерден таласы бар екенін байқатады. №195 мектептің таланты тәлімгері бесінші сыныптан-ақ аудандық, облыстық деңгейдегі айтыстарға қатысып, сөз өнерінде өзіндік орны бар екенін дәлелдей бастайды.
Былтыр Жалағаш ауданының 80 жылдық мерейтойына арналған «Жаһанда жұмақ мекен Жалағашым» атты айтысқа қатысып, жүлделі үшінші орын алды. Биыл «Aйтыс battle» сөз сайысында бас жүлде алып, 2-кезеңге өтті. Жас өнерпаздың қанатына жерлестері қолдау білдіріп келеді. Ол туған жердің әрбір тау-тасынан, сылдырап аққан мөлдір бұлағынан шабыт алады. Аңыз-әпсаналарды жадына тоқып, жыраулар поэзиясы мен ақын-жазушылардың туындыларын көптеп оқып, Ұлы Дала елінің өткені мен бүгіні жайлы білуге құштар.
– Тарихи, әдеби кітаптарды оқығанды жақсы көремін. Әсіресе Алтын Орда дәуірі, Қазақ хандығының қалыптасу кезеңі қызықтырады. Сақ, ғұн, түрік империясының әлемдік өркениеттегі орны жайлы ізденіп жүрмін, – деді жас талант иесі.
Ол Мұқағали Мақатаев, Төлеген Айбергенов, Жұбан Молдағалиев, Мұхтар Шахановтың жалынды жырларын оқығанды ұнатады. Сыр сүлейлерінің жыр-дастандарын оқығанда немесе тыңдағанда рухы кемелдене түсетінін айтады.
Иә, ақын білім жолында ізденіп, туған жердің табиғатымен сырласқанда шабытына шабыт қосатыны анық. Салған жерден айтып салар төкпе жырлар да тап-таза, мөп-мөлдір, тұп-тұнық ерекше жаннан шықса керек-ті. Жазған әсерлі өлеңдері арқылы көпшілікке танылып жүрген жас ақынның арманы асқақ, талабы таудай.
Төл өнерге өзіндік үлесін қосып жүрген Мұхамедәлі Абдуллаев небәрі 13 жаста. Ол алғашқы өлеңін шығарғанында алты жаста болатын. Жүрегінен жарып шыққан жырын анасына арнаған-ды. Оның ақындық өнері нағашы жағынан дарыған. Нағашы әжесінің әкесі Жәдігер баба өлеңімен май тамызған шешен болған. Ұлы Отан соғысында үйіне жазған амандық хаттарын өлеңмен жолдаған екен.
Биыл Мұхамедәлі Щучинск қаласында өткен «Зерде» XV республикалық байқауының жеңімпазы атанды. Бұл – оның білім сайысындағы үлкен жетістігі.
2018 жылы«Өнеге» интеллектуалды білім порталы өткізген «Тілім менің – тірлігімнің айғағы!» байқауында, 2019 жылы «Белес» өнер орталығы ұйымдастырған «Ұлыларды ұлықта» атты республикалық өнер байқауында жүлдегерлер қатарынан көрінді.
– Жас ақын Мұхамедәлі Абдуллаевтың болашағынан зор үміттіміз. Өзі тәрбиелі. Бастысы, білімге деген ынта-жігері ерекше. Мектебіміздің, тіпті ауданның атын шығарып абырой биігінен көрініп жүр. Біз талантты жасқа әрдайым қолдау көрсетеміз, – деді мектеп директоры Жанат Жүсіпова.
Жас ақынның өлеңдері бұлақтай мөлдір, судай таза. Туа біткен дарынның қабілетін қастерлеп, дұрыс бағыт-бағдар берілсе, бағындырар асуы биік.
Әйгерім Мырзахметова
