Намысты ердің болғаны – бүтін елдің қорғаны

Бұл – осыншама ұлан-байтақ қазақ даласын ұрпағына мұра етіп қалдырған жалын жүрек, жалаңтөс баһадүр батырларымыздың бұлжымас серті еді.
Сол бір ат үстінде ұран сап, жылқы үстінде желдей ескен жауынгерлік рухтың қоламтасын үрлеп, жадымызда жаңғыртып, ерік-жігерімізді шыңдауда, жастарымыздың жасындай лаулап намысты бой түзеуіне бізге қандай идеология, қандай бағыт-бағдар қажет?
Осы тұрғыдан келгенде туған жер тұғырлы азаматтарының болмыс-бітіміне беретін бағамыз қандай? Аға ұрпақ арманына сай салауатты ұрпақ тәрбиелеу бағытында мемлекеттік деңгейде қандай іс- шаралар атқарылып жатыр? Біз осы тақырып аясында Жаңақорған ауданы қорғаныс істері жөніндегі бөлім бастығы Назаров Рамазан Оңласынұлымен әңгі­мелескен едік. Төменде сол сұхбатты назарларыңызға ұсынамыз. 
– Жаңақорған ауданына келгенге дейінгі өмір жолы­ңызға аз-кем тоқ­талып өтсеңіз.
– Онжылдықты бітірген соң КазГУ-дің заң факультетіне оқуға түстім. Жоғары оқу орнының жолдамасымен Петропавл қалалық сотында сот орындаушы қыз­метіне жіберілдім. 2002 жылдан офицерлік құрамда әскер қатарына алынып, Отарда жауынгерлік борышымды өтедім. Басшылық құрамда саяси істер жөніндегі орынбасары болып 2 жыл 8 ай қызмет атқардым. Онан әрі әскери полиция органына ауыстырылып, тергеу-анықтау бөлімінде түрлі гарнизонда сегіз жыл тәжірибе жинақтадым. 2013 жылдан бастап жергілікті әскери басқару органдарындағы еңбек жолым басталды. Тараз қалалық қорғаныс істер Департаментінде заң кеңесшісі, 2016 жылдан бастап Ақтөбе облысы, Байғанин аудандық қорғаныс істер  бөлімі бастығы болдым. 2018 жылдың күзінен Жаңақорған аудандық қорғаныс бөлімінің бастығы болып қызмет атқарып келемін.
– Қазақстанның біраз аума­ғында қызмет атқардыңыз. Жаста­рымыздың таным-білігі, азамат­тық борышқа адалдық талабы тұрғысында не айтуға болады?
– Азамат – елдің қорғаны дейтін халықпыз. Дүниеге ұл бала келсе бөркі қара қара қазандай болып қуанатын қазекемнің ер азаматты ерекше тәрбиеге алып, ат құлағын бермеген, садақты алыс сермеген тарлан тұлға болып қалыптасуына ерекше көңіл бөлгені тарихтан мәлім.
Бүгін де осы дәстүрді ұлықтай білсек ұтылмаймыз.
– Мерзімді әскери қызметке шақыру науқанында жаңақор­ғандық жастардың ынта-ықы­ласы қандай? 
– 2018  жылдың  күзіндежәне 2019  жылдың көктемінде  әскергешақыру жөнінен  жоспарды  100  және  110 пайызғаорындай алдық. Ал  2019  жылдың күзінде ұйым­дастырылған науқанда әскер­ден жалтару жағдайлары көп кездесті. Тікелей бас тарту емес, шақырылған азаматтар медициналық  комиссияға тіркеле алмады, өйткені көбі елде жоқ, біразының көрші Ресей елінде жұмысқа кеткені белгілі болды. Ал ата-аналары баласынын  әскергебарудан  бұрын  күнкөріске жарап, ақша тапқанын қолай  көре­тінінібелгілі. Осындай  түсініс­пеу­шіліктердің салдарынан көп  жастарымыз әскер қатарында шың­далып, солдаттық  өмірді қалайтынына  қарамастан оған қол  жеткізеалмай  жүргені де жасырын  емес.
– Әскерде кездесіп қалатын әлім­­жеттік мәселесі де жастар болашағына деген алаңдау­шы­лықты тудырады деп  ойла­майсыз ба?
– Бүгінде барлық азаматтар әскери борышын өз мемлекетіміздің аумағында өтеп қайтады. Әлімжеттік мәселесінде де қобалжудың қаже­ті жоқ. Әскери тәртіптілік   пен  талап  тұрғысында  көптегенжаңа­шылдықтар  ендірілді. Қазірде барлық орындар бейнебақылау  камераларымен  қамтамасызетілген. Солдат өмірі жариялы. Кез келген  уақытта ата-аналарына  барып  тұруына  жағдай жасалған. Әскери  қызметінөтеуші  азаматтардың  ата – аналаркомитеті жасақталған, оған әрбір ата-ана мүше және арнайы чат арқылы тығыз байланыс  орнатып баласының жағдайын қадағалай  алады.
Арнайы  әскер  қатарындабол­ған  азаматтың  келешекөмірге  бейімделуі анағұрлым белсенді, бойын­да жасырынған қаншама қабілет-қарымын жарқыратып ашуы­на да осы  мүмкіндікті құр жібер­меуге  мүдделіболған  ұтады. Әскер қатарында  жақсы  қырымен  көзге  түскендер  мемлекеттікқызметші  деңгейінде маман  иесі  болып  толыққандыкәсіби  болашағына  да негізқаланады.
– Төтеншежағдай  кезіндегі  моби­лизацияжөнінде  не  айта­сыз?
– Мобилизациялық дайындық деген  соғыс  жағдайында  болады, қазір­гі­дей елімізде  төтеншежағ­дайда ар­найы  дайындыққа  жұмыл­дыру шара­сы жүруде. Жергілікті атқару органының арнайы Қау­лысымен әскери міндеттілік жа­сын­дағы аза­мат­тардан  жасақ­тал­ғанармия  төтенше  жағдайкезін­дегі  қоғамдық  тәр­тіпті сақтау, залал­сыздандыру жұмыс­тарына тартылуы мүмкін еді. Жергілікті жағдайдың тұрақтылығына орай мұндай қажеттілік біздің ауданда туындаған  жоқ. Қызылорда  қаласында 50 адамды  құрағанарнайы  дайындық  тобы жасақталды. Осы күндері ауданда ерікті  түрде жазылуға өздері ниет білдірген азаматтарымызға тек рахмет айтамыз. Ел басына күн туғанда қалқан болуға жарар қайратты азаматтардан кенде  емес  екенбіз
Елде орын алған Төтенше жағ­дайға орай биылғы, яғни 2020 жылғы маусым айына  белгіленген мерзімді шақыру  тамыздың  отыз біріне шегерілді. Мемлекет басшысының Мер­зімді  әскерге шақыру туралы Жар­лығына  сәйкес2019  жылғы әскери міндетін  өтеуші азаматтар елде Төтен­ше  жағдайрежимі  аяқталғанша запасқа  қалдырылады. Азаматтардың  қауіпсіздігіүшін  осындай  қадамға баруға тура келіп отыр.
Қазірде 9500 әскери қызметін­де­гілер  патрульдік және  залал­сыз­дандыру жұмыстарына  жұмыл­ды­рылуда. Әрине, олардың осы  бағыттақаржыландырылуы, азық -түлік, киім-кешек, медициналық сақ­тандырылуына  кепілдік берілген
Казақстан  Қарулы  Күштерітари­хында  тұіғыш  орын алған бұл жағ­дайды да шығынсыз, шыдаммен, біртұтас  тәртіп  пен талап тұрғы­сында еңсереміз  деп сенеміз.
– Жастардыпатриоттық ба­ғыт­та тәрбиелеуде бөліде қан­дай жұмыстар атқарылуда?
– Күні бүгін ауруханада жатқан ҰОС ардагері бірліктік,  Құрбанов Найманбай атамыздың  көңілін сұрап шықтық.
Кешегі  күн­нің  тірі  куәгерлері – ертеңіміз  үшін, соғыстың  ертегіемес, шын  болған  тарих  екенін сезінуі  үшін  қымбат. Осындай  тағлымдышараларды  арт­тыруға  өте-мөтемүдделіміз.
– Мазмұндысұхбатыңызға  рақ­мет.

Баян ҮСЕЙІНОВА