50 МЫҢ ТЕҢГЕ КӨМЕК КІМДЕРГЕ БЕРІЛЕДІ? ОНЫ АЛУ ҮШІН ҚҰЖАТ ТАПСЫРУ ҚАЖЕТ ПЕ?

    "Жаңақорған тынысы"«Birgemiz» республикалық қоғамдық қоры аса мұқтаж, аз қамтылған, көп балалы отбасыларға, жетімдер мен тұл жетімдерге және ең төменгі зейнетақы алушы зейнеткерлерге қолдау көрсетеді.

   Қолдау қаражаты «Halyk bank», "BTБ", "Jysanbank" филиалдары арқылы арнайы мемлекеттік органдармен жасалған тізімдегі тұрғындардың есеп шоттарына комиссиясыз аударылады. Есеп шоттары жоқ азаматтарға банктер жедел, арнайы есеп шот карточкасын ашып, банк қызметкерлері арқылы үйлерге жеткізіп беруге жұмыс жасап жатыр. 50 мың теңгені алу үшін ешқандай мекемеге барып тіркелу, болмаса карточка аштырудың қажеттілігі жоқ.

Аймақтық «Birgemiz» қоғамдық қорынан 50000 теңге көлемінде бір реттік қолдау Қызылорда қаласының 6313 отбасына жүргізіледі. Олардың 4913-і аз қамтылған отбасылар, 187-сі жетімдер, тұл жетімдер және 1213-і ең төменгі зейнетақы алушы зейнеткерлер.

Облыстық Cаll орталықтың номері 40 01 00, 271-000.