Жаңақорғанда 10 спорт кешені салынуда

  Аудандық М.Көкенов атындағы аудандық мәдениет үйінде өткен «Мемлекеттік-жекешелік әріптестік – инвестиция құралдарының бірі» атты облыстық форумда Жаңақорған ауданында мемлекеттік-жекешелік әріптестік аясында 10 спорт кешені салынып жатқаны белгілі болды. Бұл жөнінде аудан әкімі Ғалым Әміреев мемлекеттік жекешелік-әріптестік аясында бой көтеріп жатқан әлеуметтік нысандардың 70 проценті ауылдық округте екенін айта келе,  ауданда 10 спорттық сауықтыру кешенінің құрылысы жүріп жатқанын мәлімдеді. Әрі мұның  барлығы жылдың соңына дейін пайдалануға берілетінін тілге тиек етті.