» » Бүгінгінің 5 қаруы қайсы?

Бүгінгінің 5 қаруы қайсы?




Ер қаруы – бес қару. Бұл қазақ мақалы. Ал, тарихи шығармалар мен батырлар жырында «бес қаруын асынып», «қорамсаққа қол салды», «бес қаруы сайланған» деген сөздер тізбегі жиі кездеседі. Әдеби және тарихи шығармаларда суреттелген батырлар бейнесінің қай-қайсысынан болсын ұғатынымыз, қазақ батырлары мен ер-жігіттері ұрыс даласына 5 қаруымен аттанған. Сол 5 қару нақты қайсы, бүгінде қолданыста бар ма? Осы сұрақтарға жауап іздедік.



Тарихи жазбаларды ғана емес, көне суреттерді, соғыс даласындағы тіршілікті түгел парақтап қарасақ, байқайтынымыз, ержүрек батырға тән заттар; найза, қылыш, садақ, шоқпар және айбалта екенін ұғамыз.  Садақ – керекті жауын көздеп тұрып, атуға қажет болса, найза – қадау үшін, ал қылыш – ата-жаумен бетпе-бет шайқасу үшін яғни семсерлесу үшін қажет болған. Шоқпар жауды ұрып-соғу үшін қажет болса, айбалта – жауды біржола жоқ етіп, басын шауып түсіруге арналған. Бұл заттардың бәрі де бағзы батырларға тән болған. Ал, бүгінгінің бес қаруы қандай?  
                                                                Ханзада ДОШАН.
08 мамыр 2019 ж. 186 0