1940 жылдың 23 ақпанында аудандық партия комитетінің VІІІ-конференциясы өтіп, ауданға бірінші хатшы болып Қ.Шәріпов тағайындалды.
Сол 1940 жылы ауданда 53 СХТЗ, 30 универсал, 6 ЧТ3, 2 СТЗ, 2 дизель – барлығы 93 трактор болды. Сондай-ақ ЖТС-та 15 комбайн мен 2 молотилка бар еді.
Бұл жылы аудан 7,7 мың гектарға егін екті. Оның 5,2 мың гектары дәнді дақыл болса, оның 4 мың гектарға бидай, 300 гектар арпа, 500 гектарға тары, 100 гектарға дәндік жүгері, 300 гектар күріш егіліп, одан тәп-тәуір өнім жинады.
Осы жылы аудан шаруашылықтарында да мал басының саны да недәуір артты. Атап айтқанда 6218 бас ірі қара, 16044 бас қой, 2798 ешкі, 530 бас шошқа, 3400 бас жылқы, 700 бас түйеге жетті. Мұнан өзге үй құстары саны 3000-ға жетті.