ЕУРОПА ЛИГАСЫ: ҚАЙСАРДА МҮМКІНДІК БАР МА?

Ел біріншілігінің 9-турынан кейін біз осындай тұжырымға келдік. Сырт алаңда Ақтөбеден айласын асырған қайсарлық жігіттер қазір турнир кестесінде төртінші орынға жайғасты. 
Алдымен, Ақтөбемен болған ойынға тоқталайық. Ақтөбеге қонаққа барған қасқырлық жігіттер мәселенің ьарлығын бірінші таимда шешіп тастады. Ойынның төртінші минутында Марочкин есеп ашса, 41-минутында Тағыберген есепті еселеді. Ал, Айымбетов есепті 43-минутта қысқартып, жанкүйерлерге үміт сыйлады. Алайда, араға тағы 2 минут салып, қонақтар сапынан Барсегян көзге түсіп, Ақтөбенінің еңсесін түсірді. Қорытынды есеп 1:3. Қайсардың пайдасында. 
Турнирлік кестеде 25 ұпай жинаған Астана 1-орында болса, 20 ұпаймен күміс Тобылға бұйырып тұр, Ал, Қайсар мен Жетісудің еншісінде 17-ұпайдан. Бізден бір ойыны артық алматылық Қайраттың еншісінде 14-ақ ұпай. 
Қорыта айтқанда, егер қызылордалық клуб осы көрсеткішті ұстап қалатын болса, онда келер Еуропа лигасында өнер көрсетуге толық мүмкіндік бар. Сәттілік...