ОРДАБАСЫ ЕСЕ ЖІБЕРДІ
Футболдан ел чемпионатының 20-турындағы соңғы матч күтпеген нәтижемен аяқталды.
Шымкентте «Ордабасы» талдықорғандық «Жетісуды» қабылдады. Бұл ойында алаң иелері фаворит саналған.Алайда үзіліске дейін қонақтар екі гол салып тастады. Алдымен, 15-минутта Мантас Куклис есеп ашқан. 27-минутта Эдгар Малакян есепті еселеді. «Ордабасы» футболшылары екінші таймда Диакатенің көмегімен есеп айырмасын қысқартқан. Алайда таблодағы көрсеткішті теңестіре алмады. Қорытынды есеп – 1:2, «Жетісу» Шымкенттен үш ұпаймен қайтты.
Осылайша, «Ордабасы» 28 ұпаймен төртінші орында қалды. Ал «Жетісу» 25 ұпай еншілеп, бесінші орынға көтерілді.
