Облыс бойынша ҚАЖ департаментінің пробация қызметінің есебінде тұрған қоғамнан оқшаулауға байланысты емес жазаға сотталғандармен құқық бұзушылық пен қайта қылмыс жасауына жол бермеу мақсатында «Шартты түрде» профилактикалық іс-шарасы өткізілуде.

Бұл профилактикалық іс-шара ҚР ІІМ-нің 2014 жылғы №517 бұйрығымен бекітілген Қағиданың 1-тарауының 3-тармағы 3-тармақшасына сәйкес және Қызылорда облысның ПД-мен ҚАЖД-нің бірлесіп бекітілген жоспарының 3-тармағы бойынша жүзеге асуда. Жаңақорған адандық пробация қызметінің есебінде қазіргі кезде қоғамнан оқшаулауға байланысты емес жаза түрлеріне сотталған 80 азамат тұрады. Іс-шараның тағы бір мақсаты – пробация қызметінің есебінде тұрған сотталғандардың тұрғылықты жерін анықтап, аудандық полиция бөлімі мен жергілікті полиция қызметімен бірлесе, олардың мінез-құлқына бақылау жасау. Есептен жалтару, құқық бұзушылық пен қайта қылмыс жасамауына байланысты тәрбиелік жұмыстар жүргізу және оларға өз құқықтары мен жауапкершіліктерін түсіндіру міндеті тұр.
Мұндай профилактикалық іс-шара алдағы уақытта да өткізіліп тұрады. Ең бастысы, қоғамдағы тәртіпті түзеп, ел тыныштығының бұзылмауын қамтамасыз етуге еңбек етеміз.
А.Искаков