Пробация қызметінің есебіне алынған сотталғандарға ҚР Үкіметінің №1131 қаулысындағы әлеуметтік-құқықтық көмек көрсету жеке бағдарламасы бойынша түсіндірме жұмыстары жүргізіліп келеді. Әрі, әлеуметтік көмектер көрсетілуде. Жалпы, бағдарламаның мақсаты – теріс қылық басқан жандарды қайта қылмыс жасамауға дағдыландыру. Яғни, оларға насихат жұмыстарын жасай отырып, заңсыз әрекеттеріне мүлдем тыйым салу пробация қызметінің құзырында.


   Енді, атқарылған жұмыстарға қысқаша тоқтала кетсек, жыл басынан тоғыз ай ішінде 4 тұрғын жұмысқа қабылданып, 83 азамат медициналық тексеруден өтсе, 33 жаңақорғандыққа психологиялық және құқықтық көмек көрсетілді.
Жалпы, аудандық пробация қызметінде жыл басынан бері 192 қоғамнан оқшаулаумен байланысты емес жаза түріне сотталған өтті. Оның ішінде 75-і есептен шығарылды. Міне, аудандық Пробация қызметінің 3-ші тоқсандағы жұмыстар нәтижесі осындай.

Бағдат ДАЙРАБАЕВ,
аудандық Пробация қызметінің бастығы.