Вакциналау неге маңызды?
Жалпы вакциналауға қатысу әр адамның өз еркі. Ешкім міндеттемеуі тиіс. Ең алдымен өзімнен бастайын, бүгін коронавирусқа қарсы вакцинаның екінші дозасын салдырып, электронды құжатымды алдым. Бұл қадам әрбір жерлесім үшін өте маңызды деп білемін. Себебі коронавирусты жеңудің жалғыз жолы – ұжымдық иммунитет қалыптастыруда. Ол үшін не істемек керек? Өзіміздің және жақындарымыздың саулығы үшін вакциналауға белсенді қатысуды ұсынамын. Расында, қалыпты өмірге тез оралғымыз келсе, вакциналауды қарқынды жүргізуіміз тиіс.
Осы жерде бір жыл бұрын жандүниемізді астан-кестен еткен оқиғалар ойға келеді. Иә, ет жақындарымыздан, сырлас достарымыздан қапияда айырылып, тіпті басына топырақ салуға мүмкіндік болмай, қатты қиналғанымызды қалай ұмытамыз? Осындай алмағайып уақытта «егер вирустан құтылатын бір жол болса, бар күш-жігерімді салуға дайынмын» деген адамдар көп болды. Міне, өз-өзімізге берген уәдемізге адалдық танытатын кез келді.
Қазір әлемнің озық елдерінің вакциналау тәжірибесінен сабақ алатын болсақ, Израиль тұрғындарының 55 пайызы вакцинаның екінші дозасын қабылдап үлгерді. Қазір онда 12 жастан асқан жасөспірімдерге вакциналау қарқынды жүруде.
Ал, Канада халқының 59 пайызы вакцинаның бір дозасын алды. Аталмыш елдерден кейін Англия (58,3 пайыз), Чили (56,6 пайыз) және АҚШ-та (51 пайыз) халықтың басым бөлігі екпе салдырды. Яғни, қай мемлекет болмасын халқына вакцина егуден аянғысы жоқ, бірақ кейбір елдер жолын таппай қиналуда. Мәселен, Үндістан вакциналауды қарқынды жүргізуде әлем қауымдастығынан жәрдем сұрауда. Африканың елдері де вакциналауда көмек күтіп отыр. Айыр қалпақты ағайын – Қырғыз бауырлар қазақстандық вакцинаға сұраныс жасауда. Осының бәрі не үшін?
Әлбетте, бірінші кезекте, көзге көрінбейтін, қолға ұсталмайтын, қай тұстан келетінін білмейтін вирустан халқын аман сақтап қалу үшін қажет. Мұны әлемнің озық елдері терең түсініп, вакциналауға мән берді. Себебі халқының 70 пайызын вакциналау арқылы ғана ұжымдық иммунитет қалыптастыра алатын біліп отыр.
Орта Азияда алғашқы болып, қала берді әлемде санаулы елдердің қатарында өз вакцинамызды өндіруге кірісіп, жақсы нәтижеге қол жеткіздік. Қазір біздің отандық вакцинаға алпауыт елдердің өзі тапсырыс беріп, алдыруға құлық танытып отыр. Бұл біздің отандық ғалымдардың ізденісін мойындағанының белгісі емес пе?
Бірақ бізде гу-гу әңгіме әлі таусылар емес. Әсіресе, әлеуметтік желідегі негізсіз, дәлелсіз ақпараттарға сеніп, бойға үрей билетіп отырмыз. Бұл дұрыс па? Әрине, жоқ! Бізге алып-қашпа сөздерге еруді қойып, ұжымдық иммунитет қалыптастыруға сергектік таныту маңызды. Ұжымдық иммунитет қалыптастырмай еңбектің бәрі еш кеткені. Мәселен, көрші тұрған екі ауылдың бірінде тұрғындардың 70 пайызы вакциналауға қатысып, ал, екінші ауылда 20-30 пайызы ғана вакциналаудан өтті дейік. Бұл вирустан келетін қауіптің әлі бар екенін білдіреді. Өйткені, вирустың ошағы жақын жерде деген сөз. Дүниежүзілік Денсаулық сақтау Ұйымы (ДДҰ) осыны ескеріп, дабыл қалуда. Мақсат – адамзатты ортақ иммунитет қалыптастыруға шықырып, бір кезеңде вакциналауды жүргізу.
Біздің ауданның тұрғындары әлемде және Қазақстанда болып жатқан барлық жағдайларды жақсы біледі. Коронавирустан келетін зардап та ауыр болатынын зерделей алады. Бірақ вакциналауға енжарлық танытып отыр. Қазір Сыр өңірі бойынша халқына шаққанда аудандар арасында вакциналаудан төмен көрсеткіш көрсетіп тұрмыз. Бұл – озық ауданның халқына жарасатын қарекет пе? Ойланайық ағайын!
2021 жылдың есепті мерзімінде Жаңақорған ауданы бойынша індет жұқтырған 411 науқас тіркелді (жалпы пандемия басталғалы 819 адам тіркелді). Оның ішінде 386 науқас емделіп шықты, ем алып жатқаны – 17. Оның ішінде үй жағдайында бақылауда жатқаны – 5, аудандық жұқпалы аурулар бөлімінде – 11, облыстық жұқпалы аурулар бөлімінде – 1. Ал, 8 адам індеттен қайтыс болды.
Жалпы ұжымдық имунитет қалыптастыру мақсатында ауданда Спутник-V бірінші дозасы 4710 адамға егілді, Hayat-Vax бірінші турында 4700 дана вакцина әкелініп, оның 2864-ы жаңақорғандықтарға салынды. Бұл әлі де болса төмен көрсеткіш.
ДСҰ бас директоры Тедрос Гебрейесустің айтуынша, вакциналаусыз әлемнің ешбір елі эпидемияны тоқтата алмайды. Сондықтан вакцинадан қорқудың реті жоқ. Біз өзіміздің және отбасымыздың, айналамыздың қауіпсіздігін сақтаудың жауапкершілігін жіті сезінуіміз керек. Қазір өз өмірімізді сақтаудың бір жолы – вакциналауда.
Міне, вакциналаудың маңызы осында!
Осыны ұмытпайық, жаңақорғандық жерлестерім!
Руслан РҮСТЕМОВ,
Жаңақорған ауданының әкімі
Осы жерде бір жыл бұрын жандүниемізді астан-кестен еткен оқиғалар ойға келеді. Иә, ет жақындарымыздан, сырлас достарымыздан қапияда айырылып, тіпті басына топырақ салуға мүмкіндік болмай, қатты қиналғанымызды қалай ұмытамыз? Осындай алмағайып уақытта «егер вирустан құтылатын бір жол болса, бар күш-жігерімді салуға дайынмын» деген адамдар көп болды. Міне, өз-өзімізге берген уәдемізге адалдық танытатын кез келді.
Қазір әлемнің озық елдерінің вакциналау тәжірибесінен сабақ алатын болсақ, Израиль тұрғындарының 55 пайызы вакцинаның екінші дозасын қабылдап үлгерді. Қазір онда 12 жастан асқан жасөспірімдерге вакциналау қарқынды жүруде.
Ал, Канада халқының 59 пайызы вакцинаның бір дозасын алды. Аталмыш елдерден кейін Англия (58,3 пайыз), Чили (56,6 пайыз) және АҚШ-та (51 пайыз) халықтың басым бөлігі екпе салдырды. Яғни, қай мемлекет болмасын халқына вакцина егуден аянғысы жоқ, бірақ кейбір елдер жолын таппай қиналуда. Мәселен, Үндістан вакциналауды қарқынды жүргізуде әлем қауымдастығынан жәрдем сұрауда. Африканың елдері де вакциналауда көмек күтіп отыр. Айыр қалпақты ағайын – Қырғыз бауырлар қазақстандық вакцинаға сұраныс жасауда. Осының бәрі не үшін?
Әлбетте, бірінші кезекте, көзге көрінбейтін, қолға ұсталмайтын, қай тұстан келетінін білмейтін вирустан халқын аман сақтап қалу үшін қажет. Мұны әлемнің озық елдері терең түсініп, вакциналауға мән берді. Себебі халқының 70 пайызын вакциналау арқылы ғана ұжымдық иммунитет қалыптастыра алатын біліп отыр.
Орта Азияда алғашқы болып, қала берді әлемде санаулы елдердің қатарында өз вакцинамызды өндіруге кірісіп, жақсы нәтижеге қол жеткіздік. Қазір біздің отандық вакцинаға алпауыт елдердің өзі тапсырыс беріп, алдыруға құлық танытып отыр. Бұл біздің отандық ғалымдардың ізденісін мойындағанының белгісі емес пе?
Бірақ бізде гу-гу әңгіме әлі таусылар емес. Әсіресе, әлеуметтік желідегі негізсіз, дәлелсіз ақпараттарға сеніп, бойға үрей билетіп отырмыз. Бұл дұрыс па? Әрине, жоқ! Бізге алып-қашпа сөздерге еруді қойып, ұжымдық иммунитет қалыптастыруға сергектік таныту маңызды. Ұжымдық иммунитет қалыптастырмай еңбектің бәрі еш кеткені. Мәселен, көрші тұрған екі ауылдың бірінде тұрғындардың 70 пайызы вакциналауға қатысып, ал, екінші ауылда 20-30 пайызы ғана вакциналаудан өтті дейік. Бұл вирустан келетін қауіптің әлі бар екенін білдіреді. Өйткені, вирустың ошағы жақын жерде деген сөз. Дүниежүзілік Денсаулық сақтау Ұйымы (ДДҰ) осыны ескеріп, дабыл қалуда. Мақсат – адамзатты ортақ иммунитет қалыптастыруға шықырып, бір кезеңде вакциналауды жүргізу.
Біздің ауданның тұрғындары әлемде және Қазақстанда болып жатқан барлық жағдайларды жақсы біледі. Коронавирустан келетін зардап та ауыр болатынын зерделей алады. Бірақ вакциналауға енжарлық танытып отыр. Қазір Сыр өңірі бойынша халқына шаққанда аудандар арасында вакциналаудан төмен көрсеткіш көрсетіп тұрмыз. Бұл – озық ауданның халқына жарасатын қарекет пе? Ойланайық ағайын!
2021 жылдың есепті мерзімінде Жаңақорған ауданы бойынша індет жұқтырған 411 науқас тіркелді (жалпы пандемия басталғалы 819 адам тіркелді). Оның ішінде 386 науқас емделіп шықты, ем алып жатқаны – 17. Оның ішінде үй жағдайында бақылауда жатқаны – 5, аудандық жұқпалы аурулар бөлімінде – 11, облыстық жұқпалы аурулар бөлімінде – 1. Ал, 8 адам індеттен қайтыс болды.
Жалпы ұжымдық имунитет қалыптастыру мақсатында ауданда Спутник-V бірінші дозасы 4710 адамға егілді, Hayat-Vax бірінші турында 4700 дана вакцина әкелініп, оның 2864-ы жаңақорғандықтарға салынды. Бұл әлі де болса төмен көрсеткіш.
ДСҰ бас директоры Тедрос Гебрейесустің айтуынша, вакциналаусыз әлемнің ешбір елі эпидемияны тоқтата алмайды. Сондықтан вакцинадан қорқудың реті жоқ. Біз өзіміздің және отбасымыздың, айналамыздың қауіпсіздігін сақтаудың жауапкершілігін жіті сезінуіміз керек. Қазір өз өмірімізді сақтаудың бір жолы – вакциналауда.
Міне, вакциналаудың маңызы осында!
Осыны ұмытпайық, жаңақорғандық жерлестерім!
Руслан РҮСТЕМОВ,
Жаңақорған ауданының әкімі
