Суға кету қаупінен сақ болыңыз

ҚЫЗЫЛОРДАДА ҮШ АДАМ СУҒА КЕТТІ
Биыл Қызылорда облысының су айдындарында 14 оқиға тіркеліп, 15 адам қайтыс болыпты, оның 6-уы бала.
«Өткен аптада 3 бірдей қайғылы оқиға орын алды. Оның бірі Шиелі ауданының 8 сынып оқушысы, 2-ші жағдай Бәйгеқұм ауылының 1992 жылғы азаматы. Сондай-ақ, Сырдария өзенінде 1975 жылғы ер адамның өлі денесі табылды»,-деп Қызылорда облысының Төтенше жағдайлар департаменті бастығының орынбасары Саид Молдақараев баяндайды.
Суда адамдардың қаза болуының негізгі себебі - қауіпсіздік ережелерін өрескел бұзуынан.
Құрметті аудан тұрғындары, ата-аналар! Суға түскенде сақтық шараларын қатаң сақтаңыздар! Мектеп оқушыларының жазғы демалысы кезінде қатаң қадағалау жүргізсеңіздер.
#Жаңақорған