«Сыбайлас жемқорлыққа қарсы іс қимыл туралы» Заңына байланысты семинар өткізілді
Жаңақорған аудандық сотында «Сыбайлас жемқорлық-қоғам дерті» тақырыбында семинар өткізілді.
Семинарға аудандық соттың төраға міндетін атқарушы Ә.Түбекбаева, судья И.Тұңғышбаев, кеңсе меңгерушісі және сот мамандары қатысты.
Төраға міндетін атқарушы Ә.Түбекбаева Қазақстан Республикасы Жоғарғы Сотынан келген сыбайлас жемқорлықтың алдын алу шаралары жайлы хатын талқылап, судьялар мен сот қызметкерлерін сыбайлас жемқорлық көріністерінен абай және сақ болуы ескертілді.
Өз сөзінде Ә.Түбекбаева кез-келген өркениетті қоғам үшін сыбайлас жемқорлықпен күрес ең өзекті мәселенің бірі болып табылатынын, «сыбайлас жемқорлыққа қарсы іс-қимыл туралы» Заң талабының аясында жемқорлыққа қарсы іс-әрекеттер әр салада жүзеге асырылып жатқандығын, сыбайлас жемқорлыққа қарсы іс-қимыл әрбір азаматтың міндеті екенін айтып өтті.
Шараға қатысушылар тақырып бойынша туындаған сұрақтарды талқылап, өзара пікір алысты.
Шараны қорытындылай келе, төраға міндетін атқарушы Ә.Түбекбаева семинар барысында айтылған талаптарды назарға алу қажеттігін атап өтті.
Қайнар: Жаңақорған аудандық сотының баспасөз қызметі
