Жемқорлық-қоғам дерті
2018 жылдың 20 шілде күні Бірлік ауылдық кітапханасында "Жастар сыбайлас жемқорлыққа қарсы"- атты жоғары және кәсіби оқу орындары студенттері мен мектеп оқушылары арасында дебат өткізілді. Іс-шараның ашылу салтанатында кітапханашы дебаттың мақсаты мен міндеттері, студенттік ортада сыбайлас жемқорлыққа қарсы мәдениетті қалыптастырудың маңызы туралы айтып өтіп, сыбайлас жемқорлықпен күрестің басты бағыттары жайлы ақпарат берді.
Студенттер арасындағы дебаттық кездесу қызу түрде өтті. Даттаушы және жақтаушы деп екіге бөлінген топтардың бірі сыбайлас жемқорлықпен күресіп, оның тамырын біржола жоюға болады десе, екінші топ бұл мәселені түбегейлі шешу мүмкін емес дейді. Іс-шараға қатысушылар пайдалы ақпарат алып,бір-бірімен қызықты пікір алмасты.
