Жаңақорған аудандық сотында қылмыстық іс бойынша брифинг өткізілді
Брифинг барысында Жаңақорған аудандық сотының судьясы И.Тұңғышбаев сотталушы С.-ға қатысты Қазақстан Республикасы ҚК-нің 346 бабының 1 бөлігімен қаралған қылмыстық ісі бойынша сұхбат берді.
Істің мән-жайына сәйкес, сотталушы С. соттың 16 тамыз 2017 жылғы қаулысымен 3 жыл мерзімге көлік құралын басқару құқығынан айырылған адам бола тұра, қайтадан автокөлікті мас күйінде басқарып, ҚР ҚК-нің 346-бабының 1-бөлігінде көзделген қылмыстық құқық бұзушылықты жасағаны анықталды.Іс құжаттарда тіркелген алкогольмен масаю күйін анықтау туралы медициналық қорытындысына сәйкес, сотталушы С. «орта» дәрежелі мас күйінде болғаны анықталды.
Оның бұл қылмыстық әрекеті іс құжаттарымен және сотта өзінің айыбын мойындап берген жауабымен толық дәлелденген.
Сот үкімімен сотталушы С. Қазақстан Республикасы ҚК-нің 346-бабының 1-бөлігімен кінәлі деп танылып, көлік басқаруға байланысты қызметпен айналысу құқығынан 3 жыл мерзімге айырыла отырып, 140 сағатқа қоғамдық жұмыстарға тартуға жазаланды.
Брифинг соңында БАҚ тілшісі қылмыстық іс бойынша сауалдар қойып, қойған сауалдарына нақты жауаптар алды.
И.Тұңғышбаев,
Жаңақорған аудандық сотының судьясы.
Пікір 2