Ел тәуелсіздігін алып, аяққа енді тұра бастаған елең-алаң тұста тұралаған экономиканы түзу жолға салып, дағдарған көштің бағытын батыл алға бастау үлкен кемелдікке келіп тірелетін мәселе еді. Жетпіс жыл бойы мызғымас жүйе ыдырағаннан кейін барлық салада тоқырау етек алды. Осы тұста нарықтық экономиканың әлемдік сыннан өткен тәжірибесіне ден қойып, қоғамдық құрылысты жаңаша бағытқа бастайтын мемлекеттік бағдарламаларды дүниеге келтірді. Дәлдік пен ғылыми негізге сүйенген жоспарлардың нақты іске асуына тәуекел ете білген көреген жанның нағыз Көшбасшылық қасиетімен таныла білгеніне тарих куә.

  Ендігі міндет, қайбір жақсы бастама, жарқын жаңалықты іліп алуға әзір тұратын еңбекқор да, елгезек қазақ халқының осы жетістіктерін одан әрі де баянды жалғап, даңғыл болашаққа жол бастайтын әділ басшының осындай сабақтастыққа адалдық танытуында дер едік.