Масаң күйде автокөлік басқарғаны үшін сотталды

   Жаңақорған аудандық сотында Қазақстан Республикасы ҚК-нің 346-бабының 1-бөлігімен сотталушы Р. қатысты қылмыстық теріс қылық туралы іс қаралды.

  Іс құжаттарымен анықталғандай, сотталушы Р., Жаңақорған аудандық сотының 23 ақпан 2016 жылғы қаулысымен 3 жыл мерзімге көлік құралын басқару құқығынан айырылған адам бола тұра, 12 қаңтар 2019 жылы Жаңақорған кенті, Маханбет көшесінің бойында автокөлікті мас күйінде басқарған.

   Алкогольмен масаю күйін анықтау туралы медициналық қорытындысына сәйкес, сотталушы Р. «Жеңіл» дәрежелі мас күйінде болғаны анықталған.

   Сотта, сотталушы Р., кінәсін мойындап, істеген әрекетіне өкінетінін, алдағы уақытта ондай әрекеттерге бармайтынын көрсетіп, жеңіл жаза қолдануды сұрады.

  Сот үкімімен сотталушы Р., Қазақстан Республикасы ҚК-нің 346-бабының 1-бөлігімен кінәлі деп танылып, көлік басқаруға байланысты қызметпен айналысу құқығынан 3  жыл мерзімге айырыла отырып, оған 25АЕК мөлшерінде 63 125 теңге айыппұл салынды.

   Қайнар: Жаңақорған аудандық сотының баспасөз қызметі.