СОТ ӨНДІРІСІ: 3 ЖЫЛ КӨЛІК ЖҮРГІЗЕ АЛМАЙДЫ

Жаңақорған аудандық сотында сотталушы Ш. қатысты Қазақстан Республикасы ҚК 346 бабы 1 бөлігі бойынша  қылмыстық іс қаралды.
Сотта анықталғандай сотталушы Ш. Жаңақорған аудандық сотының 29 тамыз 2018 жылғы қаулысымен 3 жыл мерзімге көлік құралын басқару құқығынан айырылған бола тұра, 16 қыркүйек 2018 жылы сағат 17:38 шамасында, масаң күйде «Ауди 100» үлгісіндегі, автокөлігін Самара-Шымкент тас жолының 304-1962 шақырымында Сунақ ата ауылының тұсында басқарған.
          Басты сот талқылауында сотталушы Ш. кінәсін толығымен мойындады.
Сот қылмыстық әрекет жасағаны үшін сотталушы Ш-ты Қазақстан Республикасы ҚК-нің 346 бабының 1 бөлігімен кінәлі деп танылып, ол көлік басқаруға байланысты қызметпен айналысу құқығынан 3 жыл мерзімге айырыла отырып, 100 сағат қоғамдық жұмыстарға тартуға  жазасын тағайындады.
         Үкім заңды күшіне енген жоқ.
                         Ақпарат:Жаңақорған аудандық сотының баспасөз қызметі.