Жаңақорған аудандық сотында Қазақстан Республикасы ҚК-нің 346-бабының 1-бөлігімен сотталушы И есімді азаматқа қатысты қылмыстық аяқталды. Іс электронды нысанда қаралды.




    Анықталғандай, сотталушы Жаңақорған аудандық сотының қаулысымен 3 жыл мерзімге көлік құралын басқару құқығынан айырылған болатын. Алайда, оған қарамастан қыркүйек айында Жаңақорған кенті, Иманов, Қорған тоғай көшесінің бойында автокөлікті мас күйінде басқарған.
   Алкогольмен масаю күйін анықтау туралы медициналық қорытындысына сәйкес, сотталушы «жеңіл» дәрежелі мас күйінде болғаны анықталған. Сотта, айыпты азамат кінәсін мойындап, істеген әрекетіне өкінетінін, алдағы уақытта ондай әрекеттерге бармайтынын көрсетіп, жеңіл жаза қолдануды сұрады.
Сот үкімімен сотталушы ҚР ҚК-нің 346-бабының 1-бөлігімен кінәлі деп танылып, көлік басқаруға байланысты қызметпен айналысу құқығынан 3 жыл мерзімге айырылып, 100 сағатқа қоғамдық жұмыстарға тартылды.
Дайындаған Ерлан АБДРАСИЛОВ.