Жаңақорған аудандық сотының мәжіліс залында 29 қаңтар 2018 жылы «Электронды форматта қылмыстық іс жүргізу» тақырыбында семинар өткізілді.
Іс-шараға аудандық соттың төрағасы мен судьялары, кеңсе қызметкерлері, аудан прокуроры, аудандық ішкі істер бөлімінің қызметкерлері, аудандық заң кеңес беру бөлімінің адвокаттарықатысты.
Сот төрағасы Н.Қосанов семинарды ашып, электрондық сот ісін жүргізу шарасы Елбасының «Үшінші жаңғыру: жаһандық бәсекеге қабылеттілік» Жолдауында көзделген тапсырмалар шеңберінде жүзеге асып жатқанын, алдымен цифрлы формат адамның құқығын қорғауды нығайтатынын, себебі барлық процесс анық көрініп тұратынын атап өтті. Бастысы сот пен прокурордың бақылауы артатыны, енді жасыру, жалған құжат жасау деген мүмкін емес екендігі, сонымен қатар сыбайлас жемқорлық пен қызмет бабын теріс пайдалану фактілері де азаятынын нақтылады.   
Бұл жоба қылмыстық істі тіркеуден бастап, тергеу және соттарда тергеу іс әрекеттерін санкциялау материалдары мен қылмыстық істерді қарауға дейін қылмыстық процестің барлық сатысын қамтитынын атап айтты.
Іс-шара барысында семинарға қатысушылар заңнама түзетулерін және практикалық жүзеге асыру мақсатында енгізілген жаңалықтарға әрдайым семинар, дөңгелек үстелдер өткізу қажеттігін айтып, тиісті ұсынымдарды жасады.
      
Ақпарат: Жаңақорған аудандық сотының баспасөз қызметі