Халықаралық «Экспо-2017» көрмесі тек жаңа технологиялар мен ғылыми ізденістердің алаңы ғана емес, ұлт мәдениетін асқақтатқан танымды шараға айналды. Шетелдіктер қазақ халқының өткенімен танысуға мүмкіндік алды. Мұндай игі істен Сыр елі де сырт қалмады. Көрме аясында Сыр өңірінен Қорқыт ата мемориалды кешені мен «Байқоңыр» ғарыш айлағы енгізілді. Халықаралық көрме аясында аталмыш қос мекенге 5 мыңнан астам адам саяхат жасаған. Оның ішінде 15 мемлекеттің арнайы өкілі мен туристері бар.

Самат КЕРУЕНБЕКТЕГІ.