Бүгінгі аудан əкімдігінің мəжіліс залында аудан əкімі Ғалым Махмұтбайұлы Əміреевтің төрағалық етуімен Жаңақорған ауданы бойынша қоғамдық көлік қатынасын реттеу бойынша атқарылатын жұмыстар жайлы есебін тыңдады. Осы салаға жауапты бөлім басшысы Сейлов Есдаулет Мырзадаулетұлы өз баяндамасында жағымды жаңалықтармен қуантты. 
Жаңақорған ауданы əкімдігінің қолдауымен 2018 жылдың наурыз айынан бастап Жаңақорған кенті орталығында 5 маршрут, ауылдық округтерге 9 маршрут, барлығы 14 маршрут шығарылып, жолаушыларды тасымалдау жұмыстары толығымен шешілетін болады. Олар: 1) Қорғантоғай - Саяжай, 2) Жаңаауыл - Май бекеті, 3) Бибек - Алтынсарин, 4) Жеңіс көшесі бойымен - Құлан Алдабергенұлы көшесіне дейін, 5) С.Қожанов - #110 мектеп лицейі. Маршрут жол ақысы еш өзгеріссіз, яғни 50 теңге. 
Сонымен қатар, 1) Жаңақорған кенті - М.Нəлібаев - Өзгент, 2) Жаңақорған кенті - Ақүйік ауылы, 3) Жаңақорған кенті - Қожакент ауылы, 4) Жаңақорған кенті - Сунақата - Екпінді, 5) Жаңақорған кенті - Жайылма ауылы, 6) Жаңақорған кенті - Талап - Кеңес ауылы, 7) Жаңақорған кенті - Қыраш - Қосүйеңкі ауылы, 8). Жаңақорған кенті - Төменарық - Сүттіқұдық жəне Жаңақорған кенті - Кейден ауылы арақатынасына арнайы маршрут жүргізілетін болады. 
Айта кетейік, бүгінгі күнде Жаңақорған кенті орталығында 2 маршрут жəне Жаңақорған кенті - Қандөз - Көктөбе ауылына 1 маршрут жолаушылар тасымалымен айналысуда. Барлық маршрут соңғы үлгідегі спринтер автокөлігі қызмет көрсетуде.