БАРЛЫҚ МƏСЕЛЕЛЕР БАСТЫ НАЗАРДА

Қызылорда облысы әкімінің орынбасары Серік Жүсіпұлы Сүлейменов жұмыс сапарымен Жаңақорған ауданында болды. Серік Жүсіпұлының төрағалығымен өткен жиында Жаңақорған кентіндегі құрылысы жүріп жатқан ауыз су жүйесі, елді газдандыру, алдағы жылу маусымына дайындық жұмыстары, электр энергиясымен қамтамасыз ету, құрылыс, жол қозғалысы, әскерге шақырту бойынша ауданда жасалып жатқан жұмыстар кеңінен талқыланды. Жиынға қатысушы жұмысшы топ өкілдері аталған мәселелер төңірегінде сауалдарын қойып, ұсыныстарын жеткізді. Аудан басшысы Ғалым Махмұтбайұлы Əміреев Жаңақорған кентіндегі жүргізіліп жатқан ауыз су жүйесіне байланысты жəне кентішілік жолдарды сапалы түрде қайта қалпына келтіру жөнінде бүгінгі таңда халықтың көптеген сауалдары мен шағымдары жайлы ауыз суға жауапты ОДСП "АРАЛ" мекемесінің басшылығына ұсынды. Жиын соңында қозғалған мәселелер қорытындыланып, тиісті сала басшыларына тапсырмалар жүктелді.