ТЫНЫҒУ ДА ТАТУЛЫҚТЫ ТЕРЕҢДЕТЕДІ

Гүлназ Жаздықбаева жетекшілік ететін «Бекжан» балабақшасы бүлдіршіндері жаз маусымында саябаққа келуге құштар. Бұл жолы өрендер карусельдерде күнұзақ ойын көркін қыздырды. Бір құптарлығы, жеке кәсіпкер Данияр Әбенұлы демеушілік жасап, жарты бағасының ғана құнын қанағат тұтты. «Бар жақсылық – балаларға» деген қасиетімізден танбаған екенбіз.
Жазғы сауықтыру кезеңінде балалармен белсенді тәрбие және білім беру жұмыстар ғана емес, сонымен қатар ата-ана мен тәрбие орталығы арасында тығыз қарым-қатынас орнайды. Белгілі деңгейде көрініс беріп қалар психологиялық кедергілерге тосқауыл қойылады.
Мелекет басшысының «Тәуелсіздік тірегі – білімді, дені сау, жан-жақты дамыған, салауатты ұрпақ» деп атап көрсеткендей, ел болып жеткіншектердің жарқын келешегіне үлес қосу міндетіміз.
Малика ТАЛҒАТҚЫЗЫ.