Жанашырлық

Осы жолы Баукең аулының қарттарының бірі Сүлеймен  ақсақалдың маған айтқан сөзін саған айтайын деп едім, – деді жеңгей.
–Айтыңыз.
–Келінқарағым, Бауыржанның денсаулығы мықты емес. Соғыста болды, қан кешті,  басқа да қиыншылықтары жетерлік. Сондықтан оны күт. Мінезі тік адам, кешірімді бол деген өтініш білдірді.
–Бұл жалғыз Сүлеймен қарттың ғана емес, бүкіл халқымыздың ақ тілеу аманатындай екен, –дедім жеңгейге.
P.S. Дана халқымызда «Батырға да жанашыр керек» дегенде оған тек сырттай қолдашы ғана емес, оған бүкіл болмысымен қамқор болып, оның жанын түсінетін адамның қажеттілігін меңзеген.