Табиғат байлығына қамқорлық керек

Қыс мезгілінде де балық шаруасына дем беріп, күтім жасау аса қажет. Осыған байланысты, Жаңақорған орман және жануарлар дүниесін қорғау жөніндегі мемлекеттік мекемесі КММ-нің қызметкерлерімен резервтік қорда орналасқан «Ала көл» және «Кіржуған» көлі, «Қалғандария-1», «Қалғандария-2», «Қалғандария-3», «Қалғандария-4», «Баспақ көл», «Тынысбек», Бозкөл, «Қандыарал», «Нарсоққан», «Жаманбала-Қамбаркөл», «Қойлық», «Имаш», «Жашыкөл», «Өзгент» пен «Борықты», «Қожакент», «Иван», «Мырзакөл», «Жыңғылдысай», «Айдархан» мен «Молдақорған» көл су айдындарында балық қырылудың алдын алу бойынша мұз ою іс-шарасы өткізілді.
Іс-шараға 50 адам және 22 автокөлік мұзды бұрғылауға, кесуге арналған құралдар жұмылдырылды. Барлығы 220 ойық бұрғыланды. Бұл шара жалғасын табатын болады. Ең бастысы, табиғат байлығына қамқорлықты тоқтатпауымыз керек.

Ермұханбет БАЯЗИТОВ