№24 (8735) 23

23 наурыз 2024 ж.

№23 (8734) 19

19 наурыз 2024 ж.

№22 (8733) 16

16 наурыз 2024 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031
» » Жастарымызды жат ағымнан сақтандырайық

Жастарымызды жат ағымнан сақтандырайық

Қазақ халқы қай кезде де бауырын паналаған  жат жұртты да өзектен теппей, өмірін жалғауына жәрдем көмегін аямаған. Тағдыр тәлкегімен ел аумағына келген этностардың тілі мен ділі, дәстүр-салты ғана емес, діни көзқарасы  мен наным сенімі де өзі үшін маңызды. Оған қол сұғу біздің асыл дінімізде де қошталмайды. Сондықтан да біздің елімізде ресми тіркелген дәстүрлі дінді ұстанғандардың құқы заңмен қорғалып отыр.
Балаларымызды теріс ағымдардан сақтандырудың жолы қандай?
Ата-аналар тарапынан дін өкіл­деріне қойылатын сұрақтың көп­шілігі осы. Біздің бұған беретін жауа­­бымыз – балаларды үй-үйде ұй­­ым­дастырылатын беймәлім шара­ларға жіберуге болмайды. Қазір жер-жерде мешіттер, заңды бекітілген өкілдер бар. Үлкен-кішінің жұма на­маздан қалмағаны абзал. Шынайы іліммен қаруланған, мемлекеттік  құ­рылым мазмұнымен қабысатын, кон­ституциялық заңды құрметтейтін шариғат қағидаларын қазық ете ал­ған имамдарымыздың насихаттары ешкімді де адастырмасы кәміл. Діни білім алғысы келетін талапкерлерді өзге қалаға діни оқу орнына жіберетін болсаңыз ол оқу орны жайлы  КМДБ-дан толық мағлұмат алып, рұқсаты бар-жоғын анықтап алған жөн.
Діни секталардың тарихы, діни уағызы ойдан шығарылған болса да соған имандай сеніп, соңынан еру, ол сол діндердің идеялық мазмұны­ның күштілігінен емес, адамдардың діни сауатының таяздығынан.
Біз әрдайыи діни экстремизм, діни терроризм бағытында зерт­теу жүргізіп отырамыз. Сонда бай­қайтынымыз, тыйым салынған діни тақырыптарға желілерде кіріп кете­тін жастардың көптігін аңғарамыз. Оларды анықтап, жұмыс жасап, те­ріс мазмұндағы түсініктен арылту бойынша жұмыс жүргіземіз. Менің айтарым, діни экстремизмнің алдын алу үшін ең әуелі осы әлеуметтік желілерге сақ болу керек. Бұл бағытта бізге денсаулық сақтау және ішкі істер саласы қызметкерлері ұдайы көмектесіп отырады.
 Қазір жастардың әсіресе «Тик-ток», «В контакте», Инстаграмм» желісін­де ақпарат іздеп отырып, түрлі қияли шытырмандарға шатылып жататы­­ны да жасырын емес. Сондықтан жас­өспірімдер діни бағытта сауалдар болғанда желіге жүгінбей, өзімізбен тікелей байланысқа шықса, біз оларға қажетті деректерді түгелдей тауып бере аламыз.
Адам жүрегі Алланы еске алумен тынышталады. «Муфтият» КZ»-ке кі­ріп, ұстаздарды тыңдау керек.
Өзге ағым өкілдерін қалай ажыратуға болады?
 Ең бірінші есте сақтайтын нәрсе, қалаға жаңадан келіп, қиналып тұрған жанды олар бірден таниды. Оларға сыпайы көмек көрсету арқылы өздеріне тартып, бауырға көмектесу ләзім деп сенімге кіреді. Қол­ұшын беріп, көмектесуге дайын тұра­ды. Сондықтан беймәлім адамдармен жақын жұғысып, тығыз қарым-қа­тынас орнатудан сақ болған жөн.
Ислам діні – бейбітішілік пен жақсылықтың діні.
Оның шарттарын мүлтіксіз орын­дау парыз. Бірақ мектеп оқушы­ларына ең әуелі өздеріне міндет етіп қойылған сабақтарын оқуда мұғалімнің айтқанын қылып, мектеп ережесін орындауы парыз. Кей оқушылар сабақтан қашып, жұма намазына келемін деп әрекеттенеді. Ұстазды алдап, жұмаға келгенде Алла разылығын алу мүмкін емес. Өйткені Алла жалған айтушыларды сүймейді. Әркім өзінің басқарушысына бағынуы керек. Ораза тұту мәселесінде де солай. Денсаулығың жүдетіп, сабақ оқуға кедергі келтірмейтіндей мықты қажырың болмаса, әлсіздікке ұшы­рап, не сабақты дұрыс оқымай, өзің­нің денсаулығыңа да қиындық келті­ре­тін ауыртпалықтарын байқасаң, онда дімкәс жандарға ораза парыз етілмеген. Өйткені ораза – парыз, денсаулықаманат. Бір-бірімен үйле­сіп, үкімді орындау уәжіп.
Жасөспірімдерге айтарымыз, ра­зылықтың үлкені – ата-ананың разы­лығында. Солардың көңілін шат қылу арқылы есепсіз сауапқа кенелеріңді ұмытпа. Ата-ананың, үлкен кісілердің алғысы мен батасын көп алсаң Алла сізді көтереді. Қай ортада болмасынбіліміңмен емес, алдымен мінезіңмен ұнамдысың.
Еліміз жаңарып, әділетті қоғамға бет алған қазіргі кезеңде діннің потенциалын тиімді пайдалану өмір талабы десе де болғандай. АҚШ-та «Әрбір отбасын шіркеуге айнал­ды­райық» деген ұранның болуы кездейсоқтық болмаса керек. От­басы – барлық тәрбиенің бастауы. Жергөгінде тазалықпен суарылған бейкүнә болмысқа бөленіп өскен сәби есейгенде елдің қамын жейтін, біреудің ақысына кірмейтін, ақ адал маңдай теріне сүйенген арлы азамат болып өсетініне кепілдік бере аламын. Олай болса, жастарымызды таза жолдан ауытқымайтын адалдыққа тәрбиелеу – ортақ міндетіміз.
Дәулет Орынбасар,
орталық мешіттің
найб имамы
15 қаңтар 2023 ж. 159 0